مذكرات ترف ومهاب 🕸️

تسريبات بدون مهاب🏳️‍🌈🫡

اهلاا ، انا ترف

وحرفيا البارت هذا كتبته وانا حيللللل مروق وعلى مدار يومي كله ف بتشوفون هبد !

اشتقت لكم اكيد تعرفون اني احبكم صح ؟ يلا نبدا

صحيت الساعه ١١ الصبح لاني كسول وما دوامت رغم عندي محاضرات (كلام شخص كان يداوم عشان البنات الحلوين بس 😂)
بس من يوم طلعت من المستشفى وانا اسوي سكب للدوام لقيت السكر مسوي فيني حفلة ف تروشت وبدلت ملابسي وهذا انا اكتب لكم في الحمام لان ليه لا!!

بقولكم وش صار من يوم طلعت ب اختصار شديد لاني ماحب اقول لاحد اني تعبان الحمد الله اني صرت كويس والتراكمي نزل بس وربي بغيت اودع من كليتي بسبب الانسولين والحمد الله ان القسطره انفكت لان الفتحة حقتها للحين ببطني

المهم انا يوم رجعت البيت كنت العب مع اخوي النتفه اللي ما كمل سنتين واخواني اللي اكبر منه بشوي واركض وراهم ياخي مشتاق لهم اخذت النتفه وطلعت غرفتي وجلسنا نلعب اللعبة المفضلة (احطه على بطني ويقفز وانا امثل اني ميت وهوينقذني ) طبعا صورت وارسلت لماكس ومهاب وكذا وشوي اشوف مهاب يدق مكالمات وراء بعض وافتح الاقيه يهاوشني لان بطني فيه فتحة القصطره وعصب عليي وشلت نايف وقمت للحمام اشوف الا في قطرات دم مكان الخياطه وجلست امسحه وحطيت ثلج لين تجمد الدم وصرت تمام بس التهبت شوي (خلوها سر بيني وبينكم لاني جحدت انها اوجعتني )

بعدها بيوم طلبني اصور الجرح وكان شوي افضل بس هو كان يشوفه سيئ جداااا 🙄 ف حطيت عليها عسل على اوامر مهاب

عموما صرت بخير واشتقت للبيت وغرفتي جداااا ف الحمد الله انها عدت ها الفتره السيئة وانتهت مشاعر القلق من مهاب لان يشوف نفسه مقصر مع انه سوا كل شي ممكن احد يسويه واكثر بمراحل مع انه بسفرة عمل ويشتغل من ٨ الصباح ل ١٢ الليل تخيلو!! عجزت اقنعه انه مو مقصر ف اقنعوه انتو خلاص تعبت

بدات الكيتو من يومين وهذا يعني ارق وارهاق بس يلا نتحمل عشان السكر ما يرجع يرتفع ونتورط ب المستشفى مره ثانية وما يحتاج اقولكم اني اكره الكيتو وعندي دراما خاصة معاه لان هذي مو اول تجاربي وياما خلاني افقد شهيتي بشكل كامل واصير ب الاسبوع عايش على بروتين شيك واكره النظام جدا بس للاسف مضطررر ...

طلعت من الحمام بملابسي الجميلة الغير مريحة للاسف لان مالي خلق ادور ملابسي المريحة😂😂 ورحت اشرب موية واكتشفت ان البيت كلهم صاحين ف اخذت كوب خلسة وبهروب تكتيكي لغرفتي سكرت الباب وانسدحت اسولف ب القروب معكم

مهاب صحى بعد ما نمت ب ٤٥ د حرفيا بس عادي نمت وانا مرهققق وراسي بينفجر من الصداع لان الليلة كانت درامية بسبب اني فهمت كلام مهاب غلط وطلعت الدموع كلها😂😂😂 (قاعد افكر ب اللي يعرفون كتابي القديم ويقرون ان صرت ابكي عادي كيف ردة فعلهم😂😂😂😂)