على قمة الحكيم ( الجزء الثاني )

البارت الثاني والثلاثون

روح : اقرف من حجيها خليت الطاسة بالزاوية وسمعت صوت يرعد رعد برا

حرية : وووينج وووينج حصة ولو مالي كلمة وياج بس انزل المستواج

حصة : فكي الباب

روح : عرفتها من صوتها ركضت اختل بالمطبخ فتحت الباب مهجة

حرية : بيتكم المعفن ما ادوسة بس انجبرت

حصة : هداده علية ياحرية

حرية : امانتي يمكم واريد اخذها

حصة : ماعدنه امانه لبشر

حرية : خاف مستفادة منها جيبيها حصة وكسري شيطانج

حصة : نطاح يمة

حرية : ولج يمة هدت علية الجنانوه يبووووووو

روح : سمعت صوتها تصرخ ويبتعد دخلت حصة تضحك طلعت من المطبخ

حصة : لتخافين بيتي

روح : المشكله اخاف من بيتج

حصة : هههههههه تتعودين

روح : شكراً لان ما خليتها تاخذني بس خاف اجيب الشرطة عليج

حصة : اجيب الشرطة تاخذ بنية خاطفتها

روح : اي اي صح

حصة : عندي جماعة جاين ياريت تختفين اليوم

روح : وين اروح

مهجة : صعدي فوك

روح : صعدت فوك مخزن كعدت بي وسياج ماكو اكدر اباوع على الطابق الجوه ومحد يشوفني .. تنهدت بضيق وراح حصة بدلت وسبحت ولبست نطاح كلادة ذهب اندكت الباب وفتحتها فرحانه وكالعادة مهجة اختفت

_ دخلو رتل من الزلم كبار بالعمر واصحاب لحية واحد منهم لحيته شادها بقراصة ولابس طربوش اسود

حصة : البيت فرفح بشوفتكم كل زاوية تركص وتتمايل على هل وجوه الحلوة

روح : كعدو بالصالة وبس شخص واحد يسولف من بينهم بالاغاز حسيت راح اجيب من الخوف ابتعدت النهاية المخزن ما اريد استمع

_ اختليت نفسي مجتفة واباوع البطني .. والله كبرانة هسه اني بيا شهر وشكد بعدلي واجيب

_ مسحت داير مدايرها مبتسمة .. ما اريدج اطلعين بنيه وتنظلمين مثلي قاطع افكاري صوت دبج حسيت البيت يهتز مديت راسي من الدرج ماكو احد نزلت ع اطراف اصابيعي سمعت اصوات كلمات ما مفهومة وبالاخير تكول

_ شمهروش شمهروش

روح : صحت يمةةةةةةةةة فتحت الباب وطلعت بالحديقة ياربي لا اكو جوارين ولا بيوت معقوله ذوله سحرة ودجالين شلون كاعدة بنصهم اجيرني يارب صار صوت دنابك طفل بجى وغص بدمعته صحت

_ ياعلي ياعلي ياعلي لو يصبو ذهب ما ارجع لهذا البيت .. ابتعدت امشي بين النخل واحجي وادعي بيني وبين نفسي ودمعتي بطرف عيني