حرية : عصفور باليد ولا عشرة ع الشجرة
روح : جربي جربي طلبي منه وشوفي متستفادين من الناس التريد موت ابني صدكي ماعدهم واحتمال يبلغون عليج اذا سويتي بيه هيج ويلبسون الجريمة براسج
حرية : اضحكين علية حتى اعوفج
روح : ابوس رجلج لتقربين علية واذا عفتيني اروح شتريدين انطيج
حرية : تلعبين براسي حتى اعوفنج ابنجج واخلص من هل منوال
معاذ : يمة جبتلج العلاج ما خلصتي
روح : لمت غراضها وشالت الطشت وطلعت .. سجدت من الرهبه استنجد بربي .. يارب لتخليها تسويلي شي سخرلي جنود من جندك يبعدوها عني يارب سهل امري وطلعني
حرية : البت تكول رجلها عندي وعندة مال هارون وترافس ماخلتني اشتغل عدل
ام بسام : جذابة لاجازفين بروحج يكتلوج ويشمروج للجلاب انتي وهاي الجهال
حرية : ما اعرف افكر شسوي اكللهم طرحت واسوف تاليها
ام بسام : وشيدخل بجيبج اقلها ذوله راح يدفعون
معاذ : البنية حلوة تخبل عليها عيون وحواجب يكتلن كتل
حرية : عود اني كلتله عندي مراهقين اسمعين بذانج
ام بسام : هههه شباب يمعودة
روح : بقيت بالغرفة لا اكل ولا شرب بس اون من القلق والمجهول .. تفحصت الغرفة كلها مابيها مكان اكدر انهزم منه لليل حسيت الباب انفتحت
معاذ : تريدين عشى
روح : اريد اطلع للحمام
معاذ : امشي وياي
روح : طلعت اترنح مسطورة وعيوني وارمة شفت اولاد هواي ملتمين على سفرة والمكان وصخ وريحة الرطوبة تطلع من الحياطين
معاذ : هذا الحمام تريدين شي بعد
روح : لا .. فتحت الباب ودخلت قفلتها وراية الباب من جوه شبرين مكسورة ماكدرت اتكرم الحمام وصخ وعبالك من سنين ما منظف انقرفت وحاولت اتقيئ بس ماكدرت معدتي فارغة
حرية : ما اطلعين
روح : غسلت وجهي بمي بارد وطلعت لكيتها تباوعلي من زرف الباب هيه وابنها
حرية : شسوين
روح : غسلت
حرية : هذا الاسمة فاروق وين كاعد
روح : هنا بالبصرة
حرية : وين وين ما سمعت
معاذ : سمعتي هههههههه
روح : انطيج رقمة اني حافظته خليني احاجي واكله شتريدين
حرية : شنو كدامج مدمغة .. بس انطيني الرقم والعنوان
روح : انطيتها الرقم والعنوان وبقيت واكفة سجلته بموبايلها
حرية : شعدج واكفة ولي
روح : مشيت وطبيت للغرفة وكفت اسنط ع الباب وادعي تتصل بي
حرية : بالبصرة شيودينيه وين اندل الكالته بالحلم ما سامعة بهاي المناطق بغداد ماشايفة منها غير هل كاع الكشرة
معاذ : باجر اسأل بالنهضة وين هاي وصدك بيها ناس اغنياء مثل ما كالت وانتي خابري متخسرين شي بلكت شكم فلس نطلع بيهن من العراق ونخلص
حرية : افكر وانت ردلي خبر
روح : حطيت ايدي على حلكي بانصعاق .. افتر بالغرفة شلون ياربي شلون اني بغداد هسه شوكت اجيت ماحسيت بالطريق
_ تنهدت بضيق .. شمرت نفسي بفراشي اخاف انام ويسولي شي بقيت للصبح ما نايمة وجسمي نحيل ويرجف من الجوع والخوف والقلق عندي لفة صارلها يومين اكلتها مثل المفجوعة مااحس بطعمها
_ ثاني يوم جابتلي اكل من الصبح وسدت الباب عليه قافلتها بقيت من الصبح لليل ادك بالباب محد يفتحها صرت ابجي واصرخ من العتمى والخوف والحر حتى بنكة مابيها ..
حرية : نسيتج هسه افتحلج الباب
روح : فتحتها وراحت اريد افوت للحمام .. طلعت على اطراف اصابيعي البيت فارغ طبيت للحمام وطلعت اول ما فتحت الباب شفت مديح طلع من غرفتها بملابسة الداخلية
مديح : ما اكدر ارجع بعد بالموت انهزمت من العمارة يشلخوني اذا ضليت
حرية : من يوم يومك جبان شحبيت بيك ما ادري
روح : سديت الباب وقفلتها علية عركت والدم جمد بجسمي حسيت روحي راح تطلع والموت دخل برجلي ..
يتبع ..
أنت تقرأ
على قمة الحكيم ( الجزء الثاني )
Romanceمعشر أمسكت حلومهم الأر ض وكادت لولاهم أن تميدا فإذا الجدب جاء كانوا غيوثا وإذا النقع ثار ثاروا أسوداً تتبع الهوى روحي في مسالكه حتى جرى الحب مجرى الروح في الجسد.
البارت الثلاثون
ابدأ من البداية