على قمة الحكيم ( الجزء الثاني )

البارت الثلاثون

حرية : ثولة مو احجي وياج .. باجر حظري روحج ما اريد اتعبيني

روح : الشنو

حرية : لدوخيني نامي والصباح الله كريم

روح : ما انكر الخوف سيطر على كل جوارحي حسيت برجفة وحشة الليل كله مقفوله علية الباب والغرفة ظلمة بس ضوة خافت داخل من الشباج سيطرت على نفسي وكدرت اوكف دكيت الباب وبقيت للصبح ادك بيها مابزعت

معاذ : شتريدين

روح : طلعوني .. فتح الباب شوية ومد راسة ولد خاطة شواربة بوجهه حسيت اطرافي بردت وتلجمت

معاذ : اطلعج !

روح : لا روح .. ابتسم بخبث وسد الباب بطني لوتني افتر بالغرفة والسلسة تهتز برجلي من الخوف والرعب صرت اناشغ لا ارادياً لحد ما طلع الصبح ماضل بيه روح

حرية : عمي انت رايد اليوم اسقطها وشوكت تاخذوها انه عندي مراهقين والبت امانه

_ خليها يمج بس هل يومين وراها اني اجي عليها الوضع عندي مو امان

حرية : واكلها وشربها وتعبي

_ باجر ادزلج شكد تردين بس خلصينه بالاول من واحد ونبدي بيها

حرية : كله من الغالي راح اجيبلها علاجات حتى اطيب من وكت

_ ميهم لااطيب المهم يوكع الشايلته

حرية : تأمر

روح : رمشت وبجيت احمي بطني .. خليت ايدي على صدري اخفف من الخفقان الصابني .. سمعت خطواتها للغرفة فتحتها وكفت بعرض الحايط

حرية : انسدحي على ظهرج

روح : تريدون تموتون ابني حرام حرام عليكم

حرية : تعرفين ابو لو حيل الله الجان

روح : جان يمي دولكه فافون شلتها وشمرتها عليها .. شلون تقابلين ربج بعدين ابني ابن حلال وابو مراح يعوفج يذبحكم اذا قربتو عليه

حرية : على كيفج داده لتنصهرين لا يطكلج عرج

روح : شتريدين اسويلج الله يخليج عوفي ابني وعوفيني طلعيني منا انتي مرة واني مرة خلي روحج بمكانج مو عندج جهال تقبلين يكتلوهم كبال عينج

حرية : علوى اخفف منهم

روح : حسيت روحي احجي ويا حجر طلعت وجابت جنطة قماش ماكلها التراب طلعت منها عدة حديد من صمنها موس ومقص ومثل الجلابتين مقوسة

حرية : متحسين انطيج بنج

روح : جابت مي حار وانكطع عندي التنفس جفت شفايفي وشفت الموت بعيني لميت رجلي طابكتها على بطني احميها

حرية : اصيح وداد تلزمج وبدون بنج واشوط روحج للسما

روح : طفرت لزمت ايدها دنكت عليها بستها والدم نشف بيه .. شتريدين اسويلج شتريدين انطيج ضعف ضعف ااطلبي فاروق غني وعندة فلوس اذا رحتيله ينطيج التريدي على السانج