Change For You( သူ့အတွက်သာလျှင်)(U+Z)

21

ကင်မရာတစ်လုံးနှင့် နှိုင်း ကလပ်သို့ဦးတည်လာခဲ့သည်။

"ဟာ....NightKing ကြီးပါလား၊ပျောက်ချက်သားကောင်းလို့ဗျာ အခုမှဘဲ ရုပ်ပြန်တွေ့ရတော့တယ် "

နှိုင်းကိုမြင်သည်နှင့် ကလပ်အထဲမှာရှိသည့် ကောင်တာမှ လူတစ်ဦးကဖော်ဖော်ရွေရွေလှမ်းနူတ်ဆက်ခဲ့သည်။ထိုလူရဲ့ဖော်ရွေမူ့အပေါ် နှိုင်းကတော့ လှည့်တောင်မကြည့်ခဲ့။

နေ့ခင်းပိုင်းမို့ ကလပ်မှာ ဝန်ထမ်းတွေကလွဲ ဘယ်သူမှမရှိနေဘဲ တိတ်ဆိတ်ကာခြောက်ကပ်နေသည်။

"ထုံးစံအတိုင်း အရမ်းမပြင်းတဲ့ဟာလေးပြင်ပေးရမလား "

ကောင်တာမှာ ရှိသည့် သူ၏အမေးကို နှိုင်းခေါင်းညိတ်ပြရင်းသာဖြေခဲ့သည်။ထို့နောက်...

"ငါအောက်ခဏသွားမယ် ဘယ်သူမှမလာစေနဲ့ "

"စိတ်ချပါ ဘယ်သူမှမလာစေရဘူး "

ကလပ်၏အောက်ထပ်တစ်နေရာတွင် နှိုင်းတစ်ယောက်တည်းကလွဲဘယ်သူမှဝင်ခွင့်မပြုထားသည့်အခန်းတစ်ခုရှိသည်။

ထိုအခန်းတစ်ခုလုံးက နီစွေးစွေးမီးရောင်ဖျော့များဖြင့်သာ မှိန်ပြပြလင်းနေခဲ့ပြီး ဘေးနံရံတွေမှာတော့ လေးထောင့်ကွက် ဓာတ်ပုံအလ်ဘမ်အသေးလေးတွေ တန်းစီကာချိတ်ဆွဲထားလျက်ရှိ၏။ထိုပုံတစ်ပုံချင်းစီတိုင်းကိုအနီးကပ်ကြည့်မည်ဆိုလျှင် ကောင်မလေးချောချောလှလှလေးများ၏ အဖော်အချွတ်ပုံများအဖြစ်မြင်ရလိမ့်မည်ဖြစ်သည်။အခန်းတစ်ခုလုံးနီးပါး ထိုကဲ့သို့သော ပုံများဖြင့်သာပြည့်ညှပ်နေသည်။

ဒီလိုပုံရိုက်ယူရတာက နှိုင်းရဲ့ဝါသနာတစ်ခုဖြစ်ခဲ့၏။နှိုင်းရဲ့အမြင်တွင် မိန်းကလေးတစ်ဦးကဘယ်လောက်ထိဘဲလှပနေပါစေ သူတို့ရုပ်ရည်ထက် ခန္ဓာပိုင်းကိုပိုပြီးစိတ်ဝင်စားမိသည်။စိတ်မတည်ငြိမ်တာတွေရှိတိုင်း ဒါမှမဟုတ် စိတ်ရူပ်စရာတွေရှိတိုင်း ဒီလိုနှိုင်းသတ်မှတ်ထားတဲ့ စံနဲ့ပြည့်ညီတဲ့ မိန်းကလေးတစ်ဦးရဲ့အဖော်အချွတ်ပုံကို ရိုက်ယူခြင်းဖြင့် စိတ်အပန်းဖြေခဲ့၏။

ဒါကြောင့် အမြဲတမ်းလိုလို နှိုင်းရဲ့ကင်မရာထဲမှာ ထိုကဲ့သို့သောပုံများနှင့်ပြည့်နေတတ်တာကြောင့် ဦးဆော ကင်မရာကိုတောင်းကြည့်တိုင်း မပေးကြည့်ရခြင်းဖြစ်သည်။