على قمة الحكيم ( الجزء الثاني )

البارت التاسع والعشرون

فاروق : ماتنطين حلك

روح : غطيت وجهي بايدي طخت شفته بكفي باسني وطلع ..

_ مر اليوم بدون ما احس بي وفاروق ما رجع غير لليل شمر غراضة وبدل لابس كلبية صاح ع كنان بعصبيه

فاروق : ابن القندرة اني مو كلت متلعب ويا الاكبر منك

كنان : هوا اجة يلعب وياي

علي : والله عمو ميجذب

فاروق : اذا شفتك معتب باب البيت اكسر رجلك

كنان : اشتريلي بايسكل

فاروق : باجر

روح : بجى وركض علية حط راسة يم بطني ويرفس

كنان : اريد اريد اريد اريددددد

فاروق : جيبيلي الحزام

كنان : ما اريد

فاروق : اذا قنعت تيل الحكومة يبوسني اشتريلك بايسكل هسة

روح : بحلقت بي نرمان كاعدة ونزار كاعد سويت روحي ما اسمع

كنان : بوسي

روح : فجأة طفر علية نزار وباسة من خدة

فاروق : هذا حظي

كنان : بوسي بوووسي

روح : نام بالكاع يبجي وعلاوي على الواهس يصرخ ويا و يبجون رحت بصفة وبسته بخدة وبسرعة وخرت كالبه وجهي

فاروق : بوسة نزار بيها حنية اكثر منج

نزار : محد يفيدك غير اخوتك

روح : طبيت للغرفة لكيتها مكلوبه لميتها وطلعت اخذ كنان وعلي وراحو طلع وياهم نزار

_ لليل رجعو جايبين اكل من برا وبايسكلات ثنين اخضر وازرك فات شمر عليه علاكة وبيدك لاستيكة يفر بيها

فاروق : بس هاي ضلت من الراتب

روح : فتحت العلاكة بيها كارتون موبايل اخذته وابتسمت .. بس هذا ما اعرفله 

نزار : بسيط اني اعلمج علية

روح : شكراً

فاروق : هوه الصوچ مو بالصالنصة ، الصوچ صوچ الشاصي

روح : اخذة نزار فتحة وخلا بي شريحة وكعد ينزل برامج

فاروق : بس واتساب كلشي لتنزل

روح : اجاهلته ميدري الموبايل كله ميهمني

_ مرت الايام ويومية نفس الوضع كطع الاكل نهائياً وملتزم بالدوام ميرجع غير المغرب ويبقى سهران للصبح يحوص بالغرفة

فاروق : هاج طلعي قفلي علية الباب واذا تشوفيني اموت لتفتحيها

روح : حطيت عيني بعينه وجهه شاحب ويحك بكل جسمة واقل حجاية ينهد بي شخص يوكف كدامة اخذت المفتاح من ايدة قفلت الباب البيت ظلمة وكلها نايمة .. كعدت بضهر الباب احتضنت نفسي ونزلت دموعي بقهر علية