على قمة الحكيم ( الجزء الثاني )

البارت التاسع والعشرون

روح : رجعت احسب للخمسين وجر نفس عميق بصعوبة

فاروق : كومي جيبيلي جاي

روح : رحت سويتله جاي ماكو احد بالبيت غير نزار مطفي الاضوية وبس شاشة جهازة مبينه ..

_ صبيته وديتلهيا للغرفة لكيته رابط البلازمة ومشغل اغنية سافله وطالعة وحدة لابسة اخضر تركص عبالك شاربة شي

فاروق : يسلمو

روح : هاي شنووو .. شرب من الجاي واردف مبتسم

فاروق : تغارين

روح : ذوقك مثل وجهك .. كعدت ع صفحة اباوع عليه عيونه تتحرك ويا الاغنية .. واشربت حجرين ع الشيشة ..

فاروق : تعرفين تركصين

روح : شبيه لعد

فاروق : ما اتوقع تعرفين مثلها

روح : هاي معتبره روحها تركص .. طفيت التلفزيون من الكهرباء

فاروق : خرا بروح ابوج

روح : احترم نفسك يله ونااام ..

فاروق : نامي يمي

روح : اذا سبيت اهلي بعد تشوف شي ميعجبك .. اجيت تمددت بطرف الجرباية ادنة علية رجعت ليورا حسيت راح اوكع ادنة لزك جسمي بجسمة وكعت من الجرباية على ظهري صرخت

_ ااااخ يمة

فاروق : سوالف المزعطة بطليها انتي حامل

روح : شلت نفسي من الكاع .. لتدنة صير على صفحة ليش اعوفك وانزل

فاروق : يله تعاي

روح : ابتعد النهاية الجرباية تمددت وغمض عينه

فاروق : تنامين بحجابج وين كاعدين بالجول

روح : فتحت شالي شمرته بقيت بالصاية

فاروق : اذا نزعتيها انام

روح : نزعت الصاية وشمرتها بقيت بالتراك ربع ردان والبجامة ضيكة من فخذي رفع حاجبة يباوعلي نضراتة مو راحة خليتها ع نفسي

فاروق : كلشي شايف شضمين

روح : عمى بعينك نام .. غطى راسة جريت غطى من الكنتور ونمت وحدي ع طرف الثاني راسي ثكل وغفيت بسرعة

_فزيت نص الليل ع صوت بسبسة رفعت راسي مقيد رجلي نايم عليها فوك الغطى .. حجيت بصوت مبحوح .. شدسوي هنا

فاروق : رجعي انطمري خربطتيني وصلت 500 لازم اعيد

روح : باوعت على الكاع يحسب بالنقشة مال كاشي .. ما نمت

فاروق : تؤ

روح : ليش

فاروق : الفضل الج كيكة

روح : نصب ميز الاوتي وحط بنطرونه يكوي بي باوعت طر الفجر واكف يغني ويدندن خلص ولبس بنطرونه وقميصة حسيته لبس شخصيه ثانية وكف على المراية رش عطر وتقرب علية