Chapter 240
Part 240January 16, 2023
အပြန်လမ်းတွင် ကောင်လေး ၄ ယောက်သည် တက္ကဆီပေါ်သို့ တိုးဝှေ့၍ တက်သွားကြသည်။ ချန်ဝေ့သည် မနေနိုင်ပဲ တစ်ကိုယ်တည်း ပွစိပွစိပြောနေသည်။
အခန်းဖော်တစ်ယောက်က မခံနိုင်တော့သဖြင့် ထဆူလိုက်သည်။
"မင်းက ဘာဖြစ်နေတာလဲ...ဒီလို ကိစ္စမျိုးဆိုတာ ယွဲ့စုန့်တို့လို အမြင့်စားလူတွေမှ လုပ်နိုင်မယ့်ဟာကို..."
အခြားအခန်းဖော်တစ်ယောက်ကလည်း ဝင်ပြောသည်။
"မင်းရဲ့ ရုပ်နဲ့သာ ဒီလိုမျိုးသွားလုပ်လို့ကတော့ ဘာမှမရတဲ့အပြင် ပိုက်ဆံဆုံးတာပဲအဖက်တင်မှာ...စဉ်းတောင်မစဉ်းစားနဲ့..."
ယွဲ့စုန့်က နဖူးကိုပွတ်ကာ ပြောလိုက်သည်။
"အေးပါ...အေးပါ..."
ယွဲ့စုန့်သည် အခန်းဖော်များကို ကျောင်းသို့ပြန်ပို့ပေးလိုက်သည်။
"ငါဒီနေ့အိမ်ပြန်မှာနော်..."
ယွဲ့စုန့်က သူတို့ကို သတိထပ်ပေးလိုက်သည်။
"မနက်ဖြန် ရုံးကို အသိပေးဖို့ မနောက်ကျကြနဲ့...ချန်ဝေ့က နေရာသိပြီးသား...သူ့နောက်ကိုပဲ လိုက်သွားကြ..."
အခန်းဖော်များက ခေါင်းငြိမ့်ကာပြောလိုက်သည်။
"မင်းကို နောက်နေ့မှ ညစာထပ်ကျွေးတော့မယ်...ဒီနေ့တော့ မရတော့ဘူးပေါ့ကွာ..."
ယွဲ့စုန့်က အလွယ်တကူပင် သဘောတူလိုက်သည်။
ယွဲ့စုန့်သည် အိမ်သို့ပြန်ရောက်သောအခါ မိုလင်းကို ဖုန်းခေါ်လိုက်သည်။
"အစ်မမို...နောက်ကျမှ ဖုန်းခေါ်လိုက်ရတာ တောင်းပန်ပါတယ်..."
ယွဲ့စုန့်ကပြောသည်။
"ကျွန်တော်မေးချင်လို့...ရှင်းနမ်အုပ်စုက ငွေမြှုပ်နှံထားတဲ့လူတွေရော နောက်နှစ်ရက်မှာ B မြို့မှာလုပ်မယ့် ရုပ်ရှင်အစမ်းပြပွဲကို လာကြမှာလား..."
မိုလင်းကပြောလိုက်သည်။
"လာမှာ...မိန်းကလေးကျန်းက သူ့ဖို့ ခုံနေရာ ၃ခု စီစဉ်ပေးထားဖို့ ပြောထားတယ်...သူ့ညီမနဲ့ အဖေကိုပါ ခေါ်လာမလို့တဲ့..."
YOU ARE READING
အပိုင်း ၂ အကြီးဆုံးသမီး
General FictionEldest Daughter Was Reborn အကြီးဆုံးသမီး Description အရင်ဘဝတွင် ကျန်းယန်ရှန့် သည် သူမ၏ သုံးစားမရသည့်ဖခင်နှင့် မိထွေးဖြစ်သူကို အရွဲ့တိုက်ပြီး ဆေးလိပ်သောက်ခြင်း၊ အရက်သောက်ခြင်း၊ တက်တူးထိုးခြင်းနှင်း ကားပြိုင်ပွဲများတွင် သူမဘဝကို အချိန်ဖြုန်းခဲ့သည်။ ...
