على قمة الحكيم ( الجزء الثاني )

البارت الثامن والعشرون

نزار : خوش بنيه بس استيعابها بطيئ

نرمان : اروح وارجع اشوف شمس وباقر واحد يباوع للاخ واسراء صاحت الشمس تسولف وياها تركتهم ورجعت للمطبخ

حكيم : حبيبتي لتعبين بس نقلي الاكل بمواعين كزاز

نرمان : اي اصب لو بعد وكت

حكيم : صبي وخلي نزار ينقل الاكل

نرمان : طلع حكيم وما ادري منين ابدي اجتي شمس وراها روح

روح : كعدي اني راح اكمل بمكانج

نرمان : نشتغل سوة عادي .. شموسة تعالي حبيبتي

شمس : اءءء باجي والله ادري شتكولين واني حظرته من خمس حسابات بس هوه كاعد ويباوعلي

نرمان : لتكعدين من هوا موجود حتى ليشوفج خفيفة وذابة روحج عليه وعمو حكيم شكال ترا اذا انتبه عليكم ميصير خير

شمس : راح اكعد بالمطبخ ما اطلع

روح : انتبهت ع ولد شايفتة قبل دخل للمطبخ كعد ع ميز الطعام ونرمان كلبت وجها علية شوية ودخل نزار

نزار : ابو الشباب وين كاعد بالكوفي لو بطنك جابتك

باقر : عمي ماتحاجي عمي حكيم بعد مرة مو كلبي خلص

نزار : طاحظك انت وكلبك

روح : خلصنة صب وبدو ينقلون الاكل رحت اودي وياهم صرت ورا باقر رفع راسة وانضرب بيه ارتديت ليورا وخليت الاكل خلصنة وكعدنه كلنا وجبروني اكعد بصفة وصار كنان بصفي

فاروق : شنو معنى يطخ بيج

روح : منو قصدك

فاروق : باقر الزمال

روح : بالغلط شفت الموقف

فاروق : شفته ليش وكفتي ورا

روح : لان كلهم كاعدين بس المكان الواكف بي فارغ .. شنو قصدك اشك بيه

فاروق : لا ما اشك

روح : تركت الخاشوكة من ايدي وباوعت علية اكل لكمة وشال الثانية وكلنياها .. مو طبيعي

فاروق : تؤ بعدج متعرفيني

روح : خلصو اكل وماشلت السفرة خفت منه .. بس وكفت غسلت المواعين كلها

نرمان : يله والعشى عليه واخيراً لكيت وحدة اساعدني الشكر الك يارب

روح : ضحكت ونشفت ايدي كاعدين يتفقون ع طلعة للمول المغرب ويتعشون برا

نزار : اخذجن اني بس اخذ كروة

حكيم : انجب لك

فاروق : هسه انت محامي ابو تكسي ما افتهمنة

نزار : اي شي بي فلوس اسوي

باقر : هيج يله نلمها

نزار : ولك باقر يريدون واحد يشهد بالمحكمة ع فلوس تجي