على قمة الحكيم ( الجزء الثاني )

البارت الثامن والعشرون

روح : طفرت من مكاني .. وين تبات هسه املخ روحي واعوفكم واهج اطلع برررررا

حكيم : فاررروق تعال خلي الليله تعدي ع خير

فاروق : شنو تمشين حجايتج انت مره عتبي الباب

روح : دفر رجليه ع كعدتي وكعد ع الجرباية اجيت اوكف جرني من جتفي ورجعني طلعت نرمان كمت ابجي بصوت عالي

حكيم : مو احجييي ويااااك تعاااال

روح : تعمد يدوس ع رجلي ويكوم .. لككك بعيرررر رجلييييي

فاروق : جحشة

روح : انت الجحش .. طلع وسد الباب رجعت نرمان فاتت وسدت الباب نزعت عبايتها وجرت مخدة شمرتها بالكاع وتمددت

نرمان : اليوم تتفلش ضلوعي

روح : وين راح ميجي بعد مو !

نرمان : لا ميجي وصاني عليج ابات يمج

روح : بعد احسن

نرمان : مبين يحبج

روح : لو يحبني جان مو هذا حالي هوا يحب نفسة وبس .. نتفضت وتربعت وكعدت كبالي ..

نرمان : كلنا نشوفه ميحب احد يمكن يحب ابنة بس هسه كلنا نشوفه يحبج

روح : ليش شلون لان ما خلاهم يحركوني

نرمان : يجي يوم تعرفين

روح : غطيت نفسي وصفنت ردت اسألها بس شفتها مغمضة تنهدت ما اكدر انام قلقة تكلبت يمنى ويسرى ما ادري شوكت يله غفيت ..

_ثاني يوم فزيت الصبح طلعت للحمام اغسل امشي بطئ اكو شي بداخلي خايف .. فتت غسلت وطلعت لمحته بالهول نايم ع التخم بملابسة الداخليه .. مشيت بسرعة قبل ليكعد رجعت الغرفة لكيت نرمان كاعده

نرمان : ليش كمتي

روح : اغسل .. طلعت شوية ورجعت انطتني ملابس بدلت حسيت روحي نظيفة ارتاحيت خليت شال ع راسي وطلعت للمطبخ وراها

نرمان : اكلي حتى حتى يصير بيج حيل للقهر

روح : كلبي نار نار على امي هسه شنو حالها

نرمان : يا حبيبتي اكيد حالها صعب هسه حيري بنفسج وخل يهدى الوضوع وان شاءلله اشوفيها

روح : ما ادري الحجي مو سهل .. كعدت يمها بالمطبخ اباوع ع وجهي بانعكاس الباب شويه خاف الورم والزراك

حكيم : صباح الخير شلونكم

روح : جر كرسي وكعد كبالي

حكيم : الجهال نايمين فوك ونزار طلع وفاروق هم طلع

روح : هسه شفته اتفاجأة من عرفت طلع .. التفتت عليه مبتسم

حكيم : شلون صرتي

روح : الحمدلله زينة

حكيم : عندج العافية تكبرين وتنسين

روح : ابتسمت حسيت شفتي انشكت من الجفاف والادوية