على قمة الحكيم ( الجزء الثاني )

البارت الثامن والعشرون

فاروق : فوتي

روح : باوعت عليه كاعد بملابسه ولا سابح ولا فاتح المي .. ليش ما سبحت

فاروق : مشتري بكومت فلوس ما لحكت اتهنى بي حتى يطير من راسي

روح : اجتفت ما ادري شسوي صاح اخو ..

حكيم : بس دخلي راسة جوه المغسله

روح : فتت ورديت الباب ما سديتها فتح حزام بنطرونه ودكمتين من قميصة ورفع ايدة بمعنى انزعة ملابسة اجاهلته وفتحت مي المغسله اسوي دافي

فاروق : مابيج حض انزع اني

روح : نزع قميصه والفانيله شمرهن ودنك دفعت راسة جوه المي ما ادري شكد مر وقت ع هاي الحالة حجى بخشونه

فاروق : طلعي برا

روح : طلعت برا وسمعت صوت الدوش انفتح بقيت واكفة بمكاني وكلهم يباوعون عليه

حكيم : محتاج مسايسة

روح : لا لا مو طبيعي يتغير بثانية

نزار : انفصام بالشخصية ادمان كحول خبال سايكو نرجسي من اكللكم النمرود وديري بالج ترا ماعندة رحمة اذا طكت عندة يكتلج انتي ونايمة

روح : ميهمني ياريت .. راحت نرمان وزوجها للغرفة وسدو الباب ونزار كعد ع التلفزيون مر ربع ساعة يلة طلع من الحمام لاف المنشفة اسفل بطنة طب للغرفة عيونه جبدة دم

_ بقيت كاعدة بالصالة سمعته يصيح بأسمي .. كمت امشي بطئ كلبي يدك سريع

فاروق : هذا شنو الابستة

روح : باوعت ع روحي شنوه ! .. تقرب جر البجامة من فخذي يأشر

فاروق : هاي مقتنعة بيها اطلعين كدام كوم ولد

روح : ماكو احد ومتحاسبني

فاروق : منو يحاسبج

روح : الله يحاسبني

فاروق : ياخذ عمرج الله يحير ع شنو يحاسبج المهم هاي البجامة بعد متلبس وعادي اذا عاندتي ولبستيها اشكها

روح : انت مخبل مو طبيعي

فاورق : وباجر اشتريلج ملابس لتلبسين من نرمان ابدد

روح : كلشي ما اريد منك شكد اكرهك

فاروق : تكرهيني وحامل مني لو تحبيني شسوين

روح : نرفزني بكلامة .. ليش منو سوة بيه هيج

فاروق : انتي منو جايتني يومية طلكني جان ما وصلنة لهنا وسجنت جدج وحليتها تكة تكة

روح : ولحد هسه اكلك طلكني

فاروق : اطلكج بس مو هسة

روح : شوكت

فاروق : من يطخ بعقلي

روح : راح انزل انام جوة

فاروق : تعاااي لج تعاااي نامي هنا