الرحمة 2 MERHAMET

PART 40

" هـَـفــوات الـمَــاضِــي "

Vote+ Comment فضلاً ولـيس أمراً

_____________

* الرباط

كـان كـيلبس حـوايجو والفرملية معاه كتعاونو بـاش يخـرج تفتح الباب باش ادخل عندو عصـام بقا كيشوف فيه ويضحك: على سلامتك اخويا العزيز

صلاح: الله اسلمك

وقف عليه شاف فيه مزال كتعرقل شوية باش احرك يدو عاونو فالجاكيت وقفو: بانليا واقيلة خاس تزيد مزال شوية

صلاح: الله اخويا اش بغيتي عندي، كرمنا من ريحة السبيطارات والماكلة ديالهوم

الفرملية: الطبيبة سناتليك على الورقة البارح، وهادي ديال الدوا الفرماصيان غاتعلمك كيفاش تعامل معاه، ومور سيمانة خاس ترجع باش نشوفوليك الجرح كيبقا

شدها عصام من عندها وحركليها صلاح راسو عاد خرجو بشوية كانت عينيه بين الاطباء لايشوفها جاتـو غريبة كيفاش ماتجيش تشوفو وهي عارفاه اليوم غايخرج، فرح منين لقا عصام شد عليه طريق من الناظور أكيد ماغاينساهش وهو السباب باش باقي حي والا كان غايكون بلاصتو دابا ولا فالقبر.

ركبو فالطموبيل ومشا بيه لواحد ريسطو دالحوت معروفة فالرباط: اليوم أنا عارض عليك تنسا شوية جو السبيطارات

ضحك بشوية باقي فعينيه كيبان العيا: عذبتي راسك جيتي من الريف كيدايرة الأحوال تما ؟

عصام: باقي داكشي هو هاداك، بانليا داك الموكرو ماشي هي لي دارت هادشي طه طلع تالقلب بلادهوم مالقا والو

تنهد كيشوف قدامو: لي بغا يدير هاكا اذن ايكون بغا يسميها فالموكرو

عصام : غادي نلقاوه ماتخافش (ضربليه فكتفو) نتا كون سبع ورجعلينا الريف محتاجك

تبسم وشاف فيه: غير منين نتا ماوقعليك والو هادا المهم عندي

وقفو الطموبيل ونزلو تغداو حاولو يبعدو شوية على موضوع تبزنيز ويرتاحو ولكن صـلاح عقلو كامل بقا مع ريتال من آخر مرة بكات فيدو ماولاش شافها ماحاولش يسولها شنو طرا معاها تاوصلات لداك الـحالة ديال البكـاء.

فالجانب الآخر كانت فالآباغطمون ديالها مخشية فناموسيتها وسادا الدار كلها بريدوات ضلام تقول جوج دليل منين جات مع ربعة دصباح النـعـاس ماجاهاش كتفكر وتفكـر، لي وقع مع باها ماكيحيدش من بالـها فكل مرة كتبغي تسمحليه ماكاتقدرش كاتلقا راسها كتزيد تحقـد عليه كثر وكثر، الماضي كيلاحقها فحياتها وسؤال انه هو السباب فتعاسة لي كتعيشها دابا كتخليها تكرهو وماتبغيش تسمح ليـه.