الرحمة 2 MERHAMET

PART 38

" لَـمَـسات جـريـئـة "

Vote+ Comment فضلاً ولـيس أمراً

________________

عضات شفايفها بشوية متبعاه بعينيها تادخل لدوش، قلبها كيضرب شنو غادير دابا حشمات بزاف وتخلق فيها واحد الإحساس غريب،تخلطات عليها الدهشة و الدوخة و كرشها تلوات ليها معرفات اش تقدم ولا توخر ،واش غايدوشو بجوج ياكما بصح دابا غاينعس معاها، تحركات لماريو حيدات حوايجها كاملين بقات غير بدوبياس ماقدراتش تحيدهوم كانو فالكحل ومشبكين كتلبس من داكشي لي كانو جابوليها في الدهاز، شافت فالمرايا ديال الماريو حشمات من راسها هاكاك عريانة ورقيقة واخا كتلمع بيضة وحميمرة من الحمام خلات شعرها مطلوق مغطيلها على نصها.

" غايعيبني لالقاني هاكا وغايضحك عليا اشنو ندير دابا"

قلبها دقاتو مسابقين حشمانة بزاف من راسها و معارفة أش تغطي و اش تخلي معري،مثايقاش في ذاتها كتشوف راسها ضعيفة والمؤهلات لي خاس تكون عند آي أنثى ماعندهاش هي، تنهدات بشوية غادا على حوافي دقداميها تاوصلات لحمام حطات وذنيها كتسمع السكات حلات الباب بشوية كطل باش دخل .

هو كلس متكي فالبانيو واسع وكبير داير غير ما سخون خفيف تحت منو طلق دخان فالحمام ولا مضبب طلع عينو لعندها داخلة بدوبياس، حانية راسها وصباعيها كيلعبو مع بعضهوم كتعض فشفايفها طيباتهوم، خرج لسانو بشوية مدوزهوم على شفايفو وقفات قدامو حشمانة مبسمة عرفاه عريان ولابس غاشورط قصير مزير على فخاضو ولحمو غادي لسمورية بشوية بفعل شمس كيعطي واحد زين برازيلي مع الزعورية ديالو: احم أنا يالاه دوشت

طه: تعاوديه فين الموشكيل

بثـقـالة وعينيه كيعبروهـا بشوية من الفوق للتحت: ( هضر بالاسـبـانية) Atractivo y sexy
جَـذّابة ومُـثـيرَة

مافهماتوش مزيان غير ابتاسمات على لهجتو الاسبانية الخشنة و صوتو كيبح فيها كتزيد تشعل فيها العوافي جيهتو بلاما تحس، اي حاجة فهاد الراجل صنعات فيها خرائط من الاحاسيس والشهوة، صوتو عقلو رزانتو اهتمامو بتفاصيلها اللعب ديالو على الوتر الحساس، قيادتو وسيطرتو وهيبتو لي حاكم بها الريف كامل ولي كتخلي كولشي يحتارمو ويخاف منو الكبير قبل الصغير كولشي فيه عظيم بالنسبة ليها فكل خطرا تسول راسها .

" يا ربي آش درت حتا جبتيليا رَجْل بحال هكا"

حط يدو على فخضو : آجِي كـلسي هنا

تحركات بشوية مقربا ليه وهزات رجيلاتها تخشات فالبانيو كلسات بين رجليه والما جمع شوية من لحمها بلا ماتشوف فيه.