كعدت بصفها عمتي وسحبتها الحضنها
ناز : كولي يالله يمه هذا يومه وراح يم الوجه الكريم طير بالجنه
شيار : ما شبعت من عنده عمه اريد ابني بعدني ما سمعت كلمة الماما من عنده ليش يروح ويعوفني ليششش
ناز : الله يرحمه يمه كلنا على هذا الطريق
شيار : حتى ابني عافني وراح عمه محد يحبني كلهم عافوني اختي وابوي وهسة ابني محد بقالي
ناز : عندج يمه عندج سلام رجلج وعندج ابنج سيف علي لازم تقوين نفسج علموده
شيار : صوجي طلعت صوووجي لوما طالعه ما راح أمير اني المووتت ابني اني السبب الله ياخذني الله يموتني وارتاح الله ياخذ روحي
صارت تلطم على وجهه وتبجي رجع سلام اخذها بحضنه يهدي بيها وهيه على فد صرخه
شيار : كلتلي ارجعّ ألج تالي رجعتّ الي ميتتتت هذذا وعدك اليييييي
سلام : اششش اهدي
بحر : انطيني ايدها
جر ايدها سلام وهيه بعدها بحضنه ضربها بحر أبرة مهدأ اخذها سلام صعدها فوك التفتت عمتي على بحر تسئله
ناز : وين سالم ؟
بحر : برا جاي يحظرون السيارة راح يطلعون للنجف يدفنون أمير
هزت راسها واخذت عبايتها وطلعت ليا بسرعة جرت عباية امها الثانيه رادت تطلع وراها لزمتها
شمس : وين رايحه
ليا : وياهم اروح للنجف
كوثر : اكعدي ليا لا ترحين توكعين هناك
ليا : ما يطكني سل عوفيني
دفعتها وطلعت لكيت امي بحضنها أمير حاضنته وتبجي وسالم واكف بصفها شافني خزرني
سالم : خيرررر
ليا : اروح وياكم
سالم : ويننننن طالععععع للمنتزززه
ليا : لا تصرخ اريد اشوف
بعدني ما مخلصه كلام عاط بيه
سالم : ليااااا ادخلي جوا ما بيه حيلجججج
عفته ورحت صعدت سيارة حسام وقفلت الباب اجا دك على الجامه ما رديت راد يفتح الباب شافه مقفول
سالم : انزلي لياااا لا اكفر بيج هسسسسه
ليا : كتلك اروح يعنى اروووح
ناز : عوفها خل تجي
مسح وجهه وراح اجت امي صعدت بصفي وأمير بحضنها صعد سالم بالصدر وحسام يسوق
حسام : وينه سلام ؟
سالم : هذا اجا
اجا سلام صعد بصف أمي واخذ أمير بحضنه
حرك حسام متوجه للنجف طول الطريق سلام حاضن أبنه ويبجي لو يخلي راسه على راس أمير ويهمس
YOU ARE READING
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
part_55_
Start from the beginning
