ဒီလိုနဲ့ပဲ ယုန်ကလေးရှောင်းကျန့်က အတွေးတွေနဲ့ ဗျာများပြီး ပူပင်ကကြောင့်ကျ များရတဲ့ နံနက်ခင်းကို စတင်ရင်ဆိုင်ရပြန်တယ်။
တကယ်တော့ ဒါတွေအားလုံးက ဥက္ကဌဝမ်ဆိုတဲ့ လူနဲ့ပဲ တိုက်ရိုက်သက်ဆိုင်နေတာ။အဲ့နေ့ညက သူ့ကိုသာ အခွင့်အရေးမယူခဲ့ရင် သူ ဒီလိုအခြေအနေကို လက်ခံပြီး အခုလို စိုးရိမ် ဗျာပါဒ များနေစရာ မရှိဘူး။အခွင့်အရေးကျ ယူတတ်ပြီး လူကို တာဝန်ယူမှု၊တာဝန်ခံမှုကျတော့လည်း မရှိပြန်ဘူး။အဲ့ဒီအစား လူကို မသိကျိုးကျွံပြုလို့ ဒီကိစ္စရပ်မှာ သူနဲ့ တစ်ရာခိုင်နှုန်းတောင် မဆိုင်သလို ပြုမူပြနေသေးတယ်။
ချမ်းသာတဲ့လူတွေက တကယ်ကို မုန်းဖို့ကောင်းပါတယ်။
ယုန်ကလေးရှောင်းကျန့်က မကျေနပ်ချက်တွေကို တစ်ဆက်တည်းတွေးပြီးချိန်မှာတော့ ရုံးတက်ဖို့ကို စတင်လုပ်ဆောင်လိုက်ပါတော့တယ်။မဟုတ်ရင် သူ့စိတ်ဆိုးခြင်းက သူ့ကလေးလေးအပေါ် ရိုက်ခတ်ပြီး သူ့ကလေးလေးရုပ်ဆိုးမှာကို စိုးရိမ်တာကြောင့်ပဲ။
ဥက္ကဌဝမ်လို ထက်မြက်ပြီး သူ့လို ချောမောမည့် ကလေးလေးဖြစ်လာစေချင်တာမလို့ သူ့ရဲ့ စိတ်ဆိုးခြင်းတွေကို ရပ်တန့်ဖို့ပဲ ဆုံးဖြတ်လိုက်တော့တယ်။
......///......
ဝမ်လုပ်ငန်းစုရဲ့ ရုံးတက်ချိန်က ဓာတ်လှေကားမှာ အမြဲ လူကြပ်ပြည့်နေတတ်တယ်။အထပ်မြင့်အဆောက်အဦးဖြစ်လို့ သွားလာရေး လျင်မြန်စေဖို့ ဓာတ်လှေကားတွေ တပ်ဆင်ထားပေးပေမဲ့ များပြားလှတဲ့ ဝန်ထမ်းဦးရေကြောင့် ဓာတ်လှေကားက လူအမြဲပြည့်ကြပ်နေတတ်ပြီး ဓာတ်လှေကားစီးရဖို့ တန်းစီစောင့်ကြရတယ်။
"ရှောင်းကျန့်"
ရှောင်းကျန့် သူ ဓာတ်လှေကားစီးဖို့ တန်းစီနေတုန်းမှာပဲ ဩရှရှခေါ်သံတစ်ခုက ပျံ့လွင့်လာတယ်။ဒါက သေချာပေါက်ကို ဥက္ကဌဝမ်ရဲ့ အသံဆိုတာ ရှောင်းကျန့် တပ်အပ်သိတာကြောင့် စိတ်မပါပေမဲ့ ခပ်ပြုံးပြုံးလေးလုပ်ရင်း နောက်လှည့်ကြည့်လိုက်ပါတော့တယ်။
"ဟုတ်ကဲ့ ဥက္ကဌဝမ်"
"ဒီ ဓာတ်လှေကားကို လာစီး"
YOU ARE READING
A Bunny Have An Imaginary Pregnant (စိတ်ကူးယဉ် ကိုယ်ဝန်နှင့် ယုန်ကလေး)
FanfictionIf You Wanna Read Comedy And Sweet Fanfiction, Choose This>< Journey From 12/2/2023 To..
Chapter (4)
Start from the beginning