" မင်းကမောင့်အတွက်လက်ဆောင်ပဲလေ ဘာတွေပေးချင်နေသေးတာလဲ ပေးချင်ရင်အချစ်တွေသာပေး မောင်ကလက်ခံဖို့အဆင်သင့်ပဲ "
" ငါ့အချစ်တွေအကုန်မင်းအတွက်ပဲလေ
ဆွန်းဟန် "ထိုစကားအဆုံးသတ်သည်နှင့် Wonbin နှုတ်ခမ်းထက်အနမ်းတို့ကျရောက်လာခဲ့ပြီး အပေါ်နှုတ်ခမ်းနှင့် အောက်နှုတ်ခမ်းအား တစ်လှည့်စီစုပ်ယူနမ်းရှိုက်ပြီးနောက် Wonbin နှုတ်ခမ်းဟမိသည်နှင့် ဆွန်းဟန်၏လျှာသည်နှုတ်ခမ်းအတွင်းသို့ဝင်ရောက်လာပါတော့သည်။
ဤသို့ဖြင့် ကုတင်ပေါ်တွင်အနမ်းချင်းစစ်ခင်းနေကြသော အချစ်ငှက်လေးနှစ်ဦး၏ဘေးတွင် မွေးနေ့ရှင်ထံမှပစ်ပယ်ခံထားရသည့်ကိတ်မုန့်လေးသည် အဖော်မဲ့လျက်....။
////
ညကညဉ့်နက်မှအိပ်ထားသော်လည်း ဘေးတွင်လစ်ဟာနေမှုကြောင့် Wonbin အိပ်ရာမှစောစောနိုးလာခဲ့သည်။
ထိုအချိန်တွင် ရေခန်းတံခါးပွင့်လာပြီး တဘက်တစ်ထည်သာ ပတ်ထားသော
ဆွန်းဟန်က ရေချိုးခန်းထဲမှထွက်လာသည်။ ရေများတွဲလွဲခိုနေသောအပေါ်ပိုင်းသည် အဖုအထစ်များနှင့်ကြည့်ကောင်းနေပြီး တော်ရုံနှင့် မျက်စိမလွှဲချင်စရာပင်။" နိုးနေပြီလား မောင့်အချစ်လေး "
" အပိုတွေ နိုးတဲ့အထိအနားမှာနေမပေးဘဲနဲ့များ "
ဆွန်းဟန် ကိုမျက်နှာလွှဲကာပြောလိုက်တာကြောင့် စိတ်ကောက်သွားပြီမှန်းသိလိုက်ရသည်။ဆွန်းဟန်သည်လည်း သူ့ဘေးမှ မထရလျှင် ဒုက္ခရောက်နိုင်တာမို့ ရေချိုးခန်းထဲပြေးရတာပင်။ကိုယ့်အကြောင်းကိုယ်သာသိသည်။
" Binn မနက်စောစောစိတ်ကောက်ရင်ဘာဖြစ်လဲသိလား "
" .... "
" မောင် ပိုချစ်တာပေါ့ဗျာ ၊ မောင့်ကိုစိတ်မဆိုးပါနဲ့ဗျာနော် ၊ မောင်မနက်ခင်းလေ့ကျင့်ခန်းထလုပ်ရလို့ပါဗျာ တမင်မနေပေးတာမဟုတ်ရပါဘူးနော် "
" ဘာလေ့ကျင့်ခန်းလဲ "
" လက် "
ဆွန်းဟန်စကားကြောင့် အူကြောင်ကြောင်လေးဖြစ်သွားသော Wonbin သည် အိပ်ရာနိုးကာစမို့ ထိုးထိုးထောင်ထောင်ဆံပင်ကလေးများနှင့်ပေါင်းစပ်လိုက်သည့်အခါ အသည်းယားစရာလေးဖြစ်နေပြီး ကောက်ပွေ့ပစ်ချင်စရာလေးပင်။
He is Mine 18
Start from the beginning