المقتص " غراب أسود "

الــبــارت 26

الــمقتص " غــراب اسـود "
الـبـارت الـسـادس والعـشـرين
لــلــكــاتــبــه نــور يــســري .......

لا تنـسون التصـويت + التعليق بين الفقرات + متابعه الحسـاب NOOR__applies

فأنكِ نجمتي ، في عتمة ليلي وشروق نهاري
كونكِ أنتِ " النجمةُ الوحيدةُ " اللامعة
في سماء ليلي ، فلا سماء دون نجمها ، ولا أنا دونكِ أنتِ
............................................................

مسحـت الكـاونتـر واچيـت ارتـاح شويـه وما احس الا واحـد ركـع الـبـاب قوي طفـرت من مكـاني كـام ابو صلعـه علئ حيلـه اشرلـي اصعـد فوك وخلـه وراح طلع كبـل ركضـت فوك خايفـه سمعـت صوت ابـو عبـود يصيح بعصبيـه ::-

ابـو عبـود ::- شچـابه دعيچ مو عسـاس يروح لاهلـه شعنـده راچع ؟

كعـد ابو صلعـه علئ القنفـه طلع چكـاير من چيبـه وكـام يدخـن رفـع راسـه علئ ابو عبـود وحچـه ::-

غـراب ::- شبـي ؟

ابو عبـود ::- يريـد ياخـذ فـاطمه للملاهـي وهـاي فخـريه الكح**** صـايره ويـاه .

چان ابو عبـود ضـايچ وما عاچبـه الوضع ويحچي بطـرف خشمـه بـاوعلـه ابو صلعـه وحچـه بمكـر ::-

غـراب ::- مو چنت تريـد تنطيهـا لـ فخـريه وهـسـه اچت بـأيدك عدلـه خليهـا تـركص ويه الكح**** تونـس روحهـا .

عكـد حواچبـه ابو عبـود وحچـه بعصبيـه ::-

ابو عبـود ::- والله ما ياخذهـا اصلاً انـي چنت نذل من حچيت هيچ ، البنيـه ما تفهـم الـبـارحـه شافـت لعابه وضلـت تلعـب بيها ونوب تريدهـا تركص ، لهـدرچه حيوان وما عندي عقل .

هـز ايده ابو صلعه ما عاچبـه بـاوعلـه بطـرف عينه وحچـه ::-

غـراب ::- صوچك ليـش چبت الفرخـه هنـا وانـت تدري الكـواويـد تارسـه الـبتـاوين .

چان ابو عبـود متنـدم ومخلـي راسـه بيـن اديـه مهمـوم طبطـب ابو صلعه علئ چتفـه وحچـه بهـدوء ::-

غـراب ::- شوف انـي راح اطلـع عنـود منـا وانـت هم تعال طلع البنيـه ويانـه ، ولا تسلمهـا لـ دعيچ خلـيها تروح لچدتهـا .

ابـو عبـود ::- شوكـت ؟

غـراب ::- نطلـع الفچر الـسـاعه 4:00 علمود محد يشوفنـا .

رفـع راسـه ابو عبـود مصدوم بلع ريچـه وحچـه بصـدمـه ::-

ابـو عبـود ::- يمعـود شيكعَدنـي هيچ وكـت ؟

غـراب ::- انچب لا تبچي بوچه الله خليـك ادمـي وخلـي الفرخـه ترچع لاهلهـا .

ابو عبـود ::- رايچ اچيب فاطمـه هنـا علمود الصبح نطلع .