الجميلة والسايكوباثِ ( الجزء الثاني )

دامِس (28)

- لاا لااا .. لا تكلة والله ما يقبل ويسوي مصيبة النا حباب لا تكلة بس أني وياك بدون لا أحد يدري ..

دار وجهة وحچة بقهر ..

يامن : شلون راح أخونة .. أمن بية وانطاني مفتاح بيتة وهيج اجازي

ابيجيل : لا تتراجع .. أملي الوحيد انتة

باوع علية بعدم أستيعاب وكال

يامن : ليش هلكد تكرهينة ؟

ابيجيل : ما اكرهة .. يريدني اصير مرتة ويزوجني واحبل منة .. مو حرام هيج يسوي .. وبعد اذا تزوجتة راح يحبسني هنا طول عمري .. طولللللل عمريييي كلشش .. واساساً أني أحبك انتة وأريد ازوجك انتة مو دامِس

باوع علية ورجع شال عيونة .. دار وجهة وخلى أيدي على راسة وبعدها دار علية وكال ..

يامن : تمام ..

ابيجيل : فرحت حيل وحسيت بشعور حلو ..

يامن : حضري روحج باجر نروح بليل

ابيجيل : ضحكت ورحت حضنتة ..

- فرحانة حيل يامن .. راح نشرد ونزوج أني وياك ونعيش حياة سعيدة وكلها حرية

وخرني منة وكال ..

يامن : لا يجي ويشوفنا .. لا تحسسينة بشي لا يشك ونروح بيها

ابيجيل : تمام .. عفتة ورحت وأني طايرة من الفرح ..

جان دامِس ما موجود .. بس أني ويامن والحر بغرفتة ..
رحت انضف البيت وأني كلي حماس وسعادة ..

اتخيل حياتي بعد ما ازوج يامن ونروح أني ويا بعيد عن دامِس .. أفرح .. بنفس الوقت اتخيل راح يخرب كلشي ودامس راح يحس واروح بيها .. أو فعلاً تطلع العالم الخارجي كلة وحوش ويامن ما يكدر يحميني ..

افكار سوداوية وافكار وردية .. كلهن وأني انضف البيت ..
سويت حملة عامة للبيت .. من مسح وكنس وتلميع ..

نزل الحر وشافني ..

الحر : ياهلااا .. صباح الخير جيلة

ابيجيل : اجة حضني وأني بادلتة ورديت علي ..

الحر : مشتاقلج حيل ..

ابيجيل : ردت أرد علي لكن تذكرت من راح اروح عنهم !

حسيت طارت فرحتي بكلمتة .. حضني وجرني على القنفة وكعدني بصفة وهوة حاضني