روح : اريد اجامل ما اكدر كلتله .. يا منو ذني
ابو حسين : من ارجعجج ادليج البيت تعرفيهن وحده منهن اسمها دكتوره حنان مسويه حواجب الشيطان
روح : ما اعرفها
ابو حسين : اني كلت لخوتي مثل حفيده ام مؤيد ماكو بنت متربايه
روح : تسلم عمو
ابو حسين : هم عمو كولي نعيم نعومي
روح : فتحت الجامه وفصلت عنه وهوه يعيد ويسقل بالسالفه وصلت للبوابه نزلت اتمنيت اشوفه لان عندي كلام هواي اريد اكوله بس ما لكيته
_ دخلت محاضراتي وكملت مد هم ما شفته ولا اجه اصلاً باي عين يجي بعد
نرمان ..
_ اليوم المفروض يجي حكيم كعدت من الصبح وضربت الدوام نظفت البيت ولفيت دولمه وذبيتها ع نار هاديه سبحت الجهال ودخلت للحمام اسبح .. كملت وطلعت شسورت شعري ولبست تراك وشال
كنان : ماما اليوم عرث
نرمان : لا يجي عمو حكير
علي : بابا يجيييييي
نرمان : بيوم اليجي حكيم الدنيا متلمهم ويصيرون حبابين ويلمون اللعابهم
_ شغلت بخور وقران اتفاجأة من دخل فاروق عيونه وارمه من النوم عبالي جان بالدوام
فاروق : شبيج شايفه عتوي
نرمان : العفو عبالي بالدوام
فاروق : تؤ اجيت وجه الصبح ونمت
نرمان : اي ع راحتك
فاروق : يجي اليوم رجلج
نرمان : اي جاي بالطريق .. لزم جهازه وخابر عليه يسأل شويه وسده كال
فاروق : اكو صوت مره يمه
نرمان : مره منو مره
فاروق : چا اسأليني روحي شوفي منو ويا
نرمان : كرصني كلبي دكيت عليه ميجاوب رجعت اتصلت يمكن اربع مرات ميجاوب .. كلت بكلبي عادي قابل مراح يجي
_ بقيت كاعده ع نار بينت كدام الكل اني طبيعيه للمغرب أذن .. فرشت سجادتي وكفت اصلي كملت وسمعته يصعد بالدرج فتحتله الباب وسلمت عليه بدون نفس
حكيم : شبيج حبيبتي
نرمان : لا هيج ماكو شي .. سمعت وحده دخلت كالت
عواطف : السلام عليكم عيوني
نرمان : باوعت ع الباب بقيت جامده رديت السلام وباوعت ع حكيم
عواطف : تعاي بحضني بت الكلب مشتاقتلج
نرمان : اجتي شبكتني وبوستني انتيهت عليها لابسه جبه سوده ضيقه بشكل مو طبيعي وبحبكها علج اطك بي ومطلعه نص شعرها ولابسه شال ماروني
أنت تقرأ
على قمة الحكيم ( الجزء الثاني )
العاطفيةمعشر أمسكت حلومهم الأر ض وكادت لولاهم أن تميدا فإذا الجدب جاء كانوا غيوثا وإذا النقع ثار ثاروا أسوداً تتبع الهوى روحي في مسالكه حتى جرى الحب مجرى الروح في الجسد.
البارت الثاني والعشرون
ابدأ من البداية
