حب قاسي (قصة مكتملة بالدارجة المغربية 🌸💗)

🥀حب قاسي 🥀

للكاتبة : hkhiba🌝

🌸حب قاسي🌸

☘️الجزء46☘️

مسحات دموعها لي فزكو كفوفها وتبسمات بحزن : عادي اوداد عاادي دااباا ترتااحي غاادي يجيي نهاار وغاترتاحي انشاء الله الصبر ياربي الصبر
جمعات شعرها بربطة مرخوفة وتوجهات للسرير زولات الخف ..واستلقات على ظهرها كتشوف فالسقف تايهة فأفكارها ..تاداها النعاس

جالس فجردة الريح كيضرب فشعرو والتيلي محطوط على ودنيه ..
.....: وااش متأكد هي ؟؟؟
مراد : ااااممم متأكد
....: ومالك. دابا فين المشكل ..ياك مقاد امورك وهي ليك بوحدك دابا شنو خاصك مزال
مراد : مشا لحال ..خلي تال.منبعد. او نكملو كلامنا
..: لي بانلك تهلى فراسك العشير وتعامل بالهداوة
مراد : تهلى الله المعين

كيف جا طالع تلقاتلو امه لي كانت كتوجد راسها باش تنعس تبسمات ليه ناطقة بصوت هامس : امضرا دويتي مع بنت خالتك
مراد : اممم
هنيا : اههاااه وشنو درتوو
مراد : فااش ؟؟؟؟
هنيا : لاا زعما كيجاتك واش ضريفة ولا كيفاش كيفاش حسيتي بيها
مراد : سيري الواليدة تنعسي الله يحفضك عياان والله
تالمنبعد
هنيا : اووك اووك صاافي سير
طلع دخل وسد الباب لقاها غايبة فنعاسها تحنى لعندها كيشوف فيها بصمت انفاسها الخفيفة كيضربو فوجهو ..تبسم بخفة وقرب يديه كيزول الشعيرات لي مغطيين عينيها ..قرب سبابتو كيدوز على رموشها الكثاف وعلى خدودها الموردين وطق بصوت خافت مبحوح :" ماتبدلتييش"

للكاتبة : hkhiba🌝

🌸حب قاسي🌸

☘️الجزء47☘️

صباح جديد
فاقت معنفجة حاسة بعنقها كيضرها وعينيها منفوخين ..
خرجات تمات قاصدة الكوزينة فين كانو الخدامات بداو كيوجدو باش يحطو الفطور ..مشات للثلاجة جبدات جوج مكعبات ديال الثلج وحطاتهم على عيينيها وتمات خارجة تا تخبطات مع شي حد ..زولات الثلج من على عينيها وبدات كتحاول تفتحهم باش توضاح ليها الرؤية كي شافتو دورات وجهها للجنب ناطقة :
" ماشفتكش سمحليا "

مراد. : " ونتي ماتسمحيش ليا "
شافت فيه بعينيها باستغراب ..وعاود نطق محافظ على جديتو وتخنزيرتو : "ماكانش فقصدي نهينك او نطيح منك ..الكسوة الكحلة وحتى الحمرة جاوك زوينين ..مي ديري بحسابي راك مرت الراجل ومانبغيش مرتي يشوف فيها الغادي والجاي ..ديري بحسابي المره الجاية الله يرضي عليك "

خدودها حمارو والحرارة طلعات معاها ...اااوووو وااش هادي غيرة ؟؟؟ كااايغيير علياا ؟. واايلي علياا اناا؟؟
جييت زووينة ؟؟ كيشووفنيي زوييينة؟؟
خرجات ليها ضحيكة زوينة كي شافها تبسم جنب وطبع قبلة على جبيهنها خلاها مطرطقا عويناتها كي البهلة .كي مشا من جنبها ونطقات مكلمة نفسها : يااه شحااال ولاااا ضريففف سبحاان مبدل الاحواال ..
اوويلييي مااليي كنفييبريي كنحس برااسيي كوولي كنتزعزع...قلبي غيخرج  ..الصهد ...كااين الصهد يااك ..ااه كااين الصهد ...ههههه ..كنفرنس تجمعي شوية كوونيي تقييلة اوداد ...بفففف الصهد سخنتت

كي دارت بان ليها الطبيب ديال السي رشدي داخل توجهات لعندو ورااتو لفين يمشي وخلاتو معاه كيدير ليه الترويض ....تحط لفطور فوق الطبلة دالماكلة وتجمعو عليه ماعدا رشدي لي طلعو ليه ماكلتو بباش يدير الترويض ..

للكاتبة : hkhiba🌝

🌸حب قاسي🌸

☘️الجزء48☘️

هنياا: اوواا احبييبة دياالي بسوومة كي صبحتي
نعستي مزيان
شافت فيها بنص عين باقا بشعرها منعكش جالسا معاهم غير بزز ببيجامتها الواسعة ..عينيها كيتلصقو بالنعاس عدوها الفياق بكري : حمد الله اخاالتيي شوفييي فياا شووفي شعري معنكش وزوويين تعست بزااف تاامابقيتش قادرا نحلهوم ..

سميرة( وهي كتشوف فمراد ) : ههه ماديوش عليها غير ماموالفاش لفياق بكري

بسمة: ختي وداد العار ديك المخدة لي حداك

مداتها ليها كضحك فسرها من هاد المخلوقة ..كتبان متعجرفة وهازا خنافرها للسما ..وهي فالاصل غي هبيلة وقلبها بيض ولي فقلبها على لسانها ..

بسمه : ميي حق مولانا تااغرجع نعس بزااف علياا ااو مفيقيني مع تسعود بزاااف هاادششيي هااناا غاادا

سميرة ( بهمس ) : بسمة تبتي كضيعي البريستيج ديالك
بسمة : واا مااامااا البرووتوكول الخاوي ماشي وقتوو داابا وقت النعااس تشاااو ..

مادارتش بهضرتها ومشات لاقرب صالو اول سداري جا قدامها تشبحات فيه وغمضات عينيها مكملة على نعاسها
اما مراد كي سالا فطورو جمع الوقفة وزاد مع الطريق لخدمتووو..
طلعات وداد لبيتها خدات كسوة طويله هااي نك ( high neck)ولبسات فوقها بوليرو خفيف طويل تا لتحت ...وقفات كتشوف راسها فالمرايه: مزياانة مستتووره ... و ممعيقااش هدشي لي قال ...( تفكرات هضرتو وهي ضحك تاني ) ههههه مرت الراجل ....( ضربات راسها بتصرفيقة بشوية) الرجوع الله اشرييفه اوويلليي تخوورجت ولييت كاندوي مع رااسي ..وييلييي علىى حالة اناا تسطيت خاصني طبيب نفسااني قوييت
طلقات شعرها مخلياه على راحتو ونزلا لتحت
هنياا: فين غااداا عااود عنديي الزريبة هنا تخرجي وقت بغينتي وتدخلي وقت بغيتي
وداد ( قربات منها وطبطبات على كتفها مبسمة)خلينا مزياانين اخاالتي بلاا ماتخرجي للعيب
هنياا : اجييي ضربييني حسسن لااا اجييي ضربيينيي مااتحشمييش
وداد : مااقلتش غاانضربك ولكن خليني محتاارمااك وداايرة بحساب سنك وبحسات انك مت ( ضاغطة على الحروف ) ر ا ج ل ي ( رااجلي )

...خرجاات مخلياها مبلقا عينيها بصدمة : قليييلة الحياااا قاااتلللك دااايررااا بحساااب سنيييي ...شهدييي علييهااا اسمييرة شهددييي عللىى هاااد خييتي شهديي
سمييرة: اناااا معااك اختيي شهااد قلة التراابي
( غوتاات عليهم من الصالون ) : النااااااااسسسسس سكتوووووو خلوووونااااا نعسووووو ااااوووو مااابقااا حددد ينعس فخاااااطرووو

يتبع