روح في بحر الظلام

الحلقة الثامنة والاربعون

تمنيت يضربني ضربة قوية براسي وافقد الوعي تمنيت بأي طريقة اطلع من هالعالم حتى بوهم بأي شي عقلي رافض مكان ووجدي ديأذيني

عقلي برمج جسمي ضدي حركاتي صاارت غريبة اريد اسيطر على جسمي مو گادرة كلما انضر لشي احگ جسمي بقوة اكبر  مكان لمساته بوجهي نزفتة دف بأدية

اقترب مني يلزم ادية اللي كنت اهرش بيهم منطقة اسفل وجهي

صرخت حيل
:لاااااا لاااااا شششدتسوووي لااااا وووخر ولك ووووخرررررر 

على صوت الصراخ دخل أسامة يباوع بغرابة وبصدمة
:شنو الموضوع قيصر شكو بس لا هاي المخبلة هي اللي ذبحتنا بيهة

:اطططلع مني لااا اشگة ل لحلگك اطططلع

ضحك بأستفزاز وطلع
قيصر سحب شالي قيد ادية بي وطلع وقفل الباب من برا

من طلعو ما اعرف اللي صار نمت او فقدت الوعي ما اگدر اركز بس ارتااحيت من كلشي

ونفس الحلم انعاد زياد يمي يمسح على رأسي يبوس شعري انا اسمع صووتي يعني كنت شبه ناايمة ادري بي حلم وخايفة اصحى
اباوعلة يمي دموعة تنزل ومبتسم

مغمضة عيوني واتوسل بزياد يرد علية وحسيت بوخزة ابرة بأيدي

:الله عليك حاجيني ششبيك متحجي زعلان مني انت ششسمسويتلك
رخت اعصابي ودموعي على خدي وانا احس بلمسات زياد بشعري

الصبح استيقاظي صار على صوت الة المكنسة الكهربائية فززني من مكاني
وكفت على حيلي نازلة من السرير  ،دخت مديت ايدي ماصار شي اتمسك بي رجعت  كعدت

طفا الصوت واقتربت مني بنية غواش عيوني منعني احدد واشوف ملامحة بس صوتهة شباب

:صباح الخير
:ص صباح النور منو أنــتِ شدتسووين
:اني مساعدة اساعد الدكتورة  ام عبدالله واليوم اتصل علينة ابو مؤمل اجي انضف هاي الغرفة

:اااخخخخ
:باوعي هذا علاجج بس گال ممنوع تاخذ اي شي بلا اكل اسويلج شي تاكلي

:لا ما اريد شكرا مو جوعانة عفية بس اريد موبايلي بالجنطة الصغيرة

راحت تدور
:لج عيني ماكو 
حركت نفسي بصعوبة ادور علي مااكو اضلا ما من الدوخة ما اركز وكلشي يتحرك امامي بطريقة عشوائية جايبة وياي علاج وهمات ماكو 
بعدني بملابسي اللي اجيت بيهم بس الشال ماكو  حطيت راسي على رجلية وغمضت
اريد اسبح الحكة اكلتني

طلعت هي من يمي بعد ما يأست ان ارد عليهة ومن لمستني عطت بيهة

شوية ورجعت بأيدهة الموبايل
:رررااانيااا تسسمعيني احجججي وييياج
:نعم سيدي
:تتريگين وتاخذين العلاج اللي تنطي الج هناء والا ماراح اخليج تتصلين بأهلج موبايلج يمي لتدورين