.
.
.
كانت جالسة علي شاطئ البحر في منتصف الليل
شاردة ، تفكر في كل ما مضى ، تتذكر ذكرياتها ،مرت عليها أحداث الخمس سنوات الأخيرة ، تذكرت كل شيئ وكأنه حدث بالأمس
أمتلئت عيناها بالدموع ،تأبى أن تبكي ولكن عيناها لم تكف عن أمتلائها بتلك القطرات الصغيرة التي تشعرها بأنها ضعيفة ،تذكرها بأنها لم تتخطَ وتنسَ ما مضى ، تلك القطرات التي تبرد قلوبنا وتجعلنا نتصبر على ما لا حول لنا ولا قوة به
وبينما هي شاردة قطع أحدهم عليها تلك المأساة التي تفكر بها ،قطع عليها آلاف من الأصوات التي تتحدث في آن واحد في عقلها
قطع عليها شرودها قائلاً
_كنت متأكد هلاقيكِ هنا ، كل الناس بتتغير لكن أنتِ لا
صمت قليلاً ثم أردف قائلاً بحنية ولطف "وحشتيني"
=نظرت له بعدم أهتمام ولم تُجبه
عم الصمت أرجاء المكان قليلاً
_ علي فكرة وحشتيني بجد ، أنا آسف على كل الي حصل ، والمره دي هعوضك عن كل حاجه صدقيني ، هحاول أعمل كل حاجه تسعدك ومش هسيبك أبداً
= آسف!!،لا متتأسفش أنا الي آسفة
أنا الي آسفة علشان عليت سقف توقعاتي وطموحي فيك ، أنا الي أسفة علشان حبيتك بجد ، أسفة علشان كنت جمبك في كل مرة بتحتاجني فيها ،أسفة علشان كنت الأيد الي بتتمدلك أول ما تقع ، أسفه علشان كنت متوقعة منك تبادلني كل ده
=أنا بس...
قاطعته قائلة
_متتكلمش لو سمحت مش عايزه أسمعك
=للدرجه دي بقيتي مش طايقاني!!
_وأكتر كمان
أنا كنت باجي علي نفسي دايماً علشانك ، كنت جمبك في كل وقت ، كنت جمبك في أشد الأوقات الي أنا بكون محتاجاك أنت الي تكون جمبي فيها ، كنت ليك حبيبة وأم وأخت وكل حاجه ، تقدر تقولي أنت عملتلي أيه في المقابل ؟
= أنا آسف ...
_قولتلك متتأسفش
حقيقي أنا الي أسفة ،كل حاجه حواليا كانت بتقولي أنك مش قد المسئولية وبتحاول تتهرب منها دايماً ، كل حاجه كانت بتنبهني أنك هتسيبني وتمشي ، كل تصرفاتك كانت بتدل علي أنك بايع ، مع أن أنا شارية ،وشارية بالغالي كمان ، بس قولت يمكن بيكابر وبيتدلع عليا عادي ،
كل حاجه حوليا كانت بتقولي أنك هتكسرني في يوم من الأيام
صمتت قليلاً ثم أردفت قائلة وعيناها تملؤها الدموع
_ بس مكنتش متوقعة أنك تكسرني في يوم فرحي ، مكنتش متخيلة أن بعد كل ده وبعد كل الي مريت بيه ههون عليك تعمل فيا كده ، أنت أزاي عملت كده بجد ؟، أزاي هونت عليك كده ؟
قال بحزن
=أنا مكنتش عايز أعمل فيكي كده ، أنا بحبك أنا بس ...
_أنت بس مكنتش قد المسئولية ، مكنتش قد وعودك ليا ، مكنتش قادر تتخلى عن حياة الرفاهية الي كنت عايشها ،وتتخلى عن كل البنات الي ماشي معاهم وجو السهر والخروجات ، كنت خايف تبقى مسئول عن بيت وعيلة ،
وطالما أنت مش قد المسئولية ليه جيت خطبتني ؟ ، أنا مضربتكش علي أيدك ولا غصبتك علي كده أنت الي جيت
بنفسك
كنت مفكر الموضوع لعبة ، وأهو نتسلى وخلاص! ،
تلاقيك كنت حابب الموضوع ، بنت مش شبه باقي البنات ،مقبلتش تكلمك ،ولا ليها في جو البنات الي تعرفهم ،فقولت أخطبها وأهو تجربة جديدة
أنا كنت بالنسبالك مجرد تجربة مش كده !؟
= لا أنا حبيتك بجد ،أنا...
= بس متقولش الكلمة دي تاني ، بحس بقرف لما تنطقها
بتحبني !!
بتحبني فعلشان كده سبتني في يوم فرحنا، سبتني وسافرت من غير ما تقولي حتى !
الحب مش كلمتين بيترموا في الهوا وخلاص
الحب كلام آه بس كلام بتثبته الأفعال ، وأنا ولا شوفت منك ولا كلام ولا أفعال
أنا كنت متمسكه بيك علشان كنت بحبك ،مش عارفة حبيتك أمتى وأزاي ، بس حبيتك بجد وكنت مستعدة أعمل أي حاجه علشانك
حبي أعماني عن كل تصرفاتك وتجاهلك المستمر ليا وخيانتك الدائمة ليا ،كنت بقول هتتغير
بس للأسف كنت مغفلة
قال برجاء وهو يبكي
= سامحيني أنا كنت مغفل علشان ضيعتك من أيدي ، حسيت بقيمتك لما بعدتي عني وأني مقدرش أعيش من غيرك ، أنا بقيت أنسان تاني خالص ، أرجوكي أديني فرصة تانية
_ أسامحك!
أبداً ، مش هقدر أسامحك ، أنت كسرتني
ما أنا كنت بين أيديك وأنت الي ضيعتني ، مستحيل أرجعلك تاني
عايزني أديك فرصة تانية علشان تكسرني أكتر ، علشان تزلني ،وتوجعني أكتر ، مش كفاية الي أنت عملته فيا !
قامت من مكانها وهي منهارة
_ أسفة بس مش هقدر أسامحك طول عمري على الأذى الي سببته ليا
جاي بعد خمس سنين ومتوقع أني أسامحك كده بكل بساطة ؟!
لا مش أنا البنت الي كنت تعرفها زمان الي كانت كل أخطائك مغفورة عندها
البنت الي كانت ماشية توزع حب وطاقة لكل الناس ، أنت غيرتني وقت.لت الطفلة البريئة الي كانت جوايا
صمتت قليلاً ثم أردفت قائلة
_ و المكان ده مش هرجع ليه تاني أبداً ، لأن فيه ذكريات مع ناس مبقاش ليها وجود في حياتنا ومفيش داعي يفكرنا
بيها ، ناس مستغنين عن وجودهم
كان أكتر مكان بحبه ،دلوقت بقى أبشع مكان في نظري ، بقى مقبرة لأحزاني
نظرت له نظرة أخيرة قبل قولها
_سلام ،
"إلى اللقاء وأتمنى أن لا يكون بيننا لقاء "
= أرجوكِ أسمعيني ، وأديني فرصة...
قالت بعدم أهتمام وهي تمسح دموعها
_ مفيش داعي ،أنا مستغنية المره دي
وأنت مبقتش فارق معايا زيك زي أي حد غريب
كل الي بينا أنتهى
ومضى كل منها في طريق ولكن هذه المرة قلبها لا يلتفت 💔"
#أسكريبت
#أسكريبتات_لقاء_علي
#لقاء_علي
لقاء علي ♡."
مستنيه رأيكم ♥️♥️🫂
VOCÊ ESTÁ LENDO
أسكريبتات بقلم :لقاء علي ♡
Contoأسكريبتات كُتبت بكل حب ومن قلبي ستجد هنا ما ينفعك ويأخذك لعالم أجمل ما يطيب به قلبك ويطمئن قراءة ممتعه و السلام علي قلبك أيها اللطيف ♡🕊
