ما وراء الأبواب

part_50_

بحر : اي اني وكوثر ويا سلام وشيار

وسام : واني سيارتي ما بيها نسوان بس هذا البغل عوددد ليش

بسام : ماكو غيرك بغللل

وسام اجا يجاوب واجاهم صوت سالم من برا يصيح همة كلهم طفرو يركضون ضحكت عليهم وطلعت رحت ركبت ويا كوثر ليورا

كوثر : همزين انتي وياي تعاي انام على جتفج ميته نعس

شيار : ههههه تعاي نامي

طلع سلام يسوق وكوثر نامت على رجلي بسرعة غفة
شغل سلام قرأن والسيارة هدوئ بس صوت القرأن بيها يحسسك بالأمان فتحت الجامة وبقت عيني على الطريق

الولد سبقونه واحنا بعدنه وصلنه اخر شي لكيناهم جاي ينزلون نزلنه احنا هم رحت وكفت بصف سلام التفت عليه ابتسم وجر أيدي

سلام : جوعانه بابا

شيار : لا بس نفسي لعبانه

سلام : هاي من الطريق تعاي

اخذني ورحنه نمشي وراهم وصلنه المكان كالو هذا بين الحرمين جان مكان حيل حلو اول مرة بحياتي اشوفة

ناز : نزور الأمام الحسين (علية السلام) بعدين اخو الإمام العباس (عليه السلام)

سالم : هاي هية يمه بس عينج على البنات ترا هذن ثولات كلهن

شمس : ياا سالمم

كوثر : رحم الله والديك

سالم : بالخدمة يلا روحن وحده تلزم ايد الثانيه لا تصيرن فاهيات

لزمت ايد سلام حيل هوو التفت علية
سلام : ها مترحين وياهن

شيار : استحي اخذني انت حباب

سلام : عذريني ما جايب عباتي وياي جان دخلت وياج

شيار : انطيك مالتي اخذها وادخل وياي !

فرك وجهة ورجع التفت علية
سلام : شيار ابوس راسج ابوس عقلج بطلي فهاوة وغباء لان اثنينهم ما اتحمل ما بقى عندي بس خيط واحد وانجلط من ورا سوالفج

شيار : اوف منك هسه شلوون

سلام : نوب اوف مني والله عمي زينن دوكفي هنا عمي هية ورطة ورطة لياااا تعاي

اجت ليا مبتسمة
ليا : ها حـبيبي

سلام : حبيبتي اخذي شيار وياج وضلي لازمتها ترا ما تندل كلشي وتخاف وحدها

ليا : يا بعيني تعاي ولج الزميني حيل من ايدي حتى لا ترحين بالروج

شيار : يا روج ؟ قصدج حمرة ؟

ليا : شيار انتي امج من جابتج اهلج هم هلهلو ؟؟

شيار : ما اذكر بس بابا فرح حيل لان اجيت

ليا : هنيال البابا امشي خية امشي

سلام : لا تعجبج أمكانية هههههه