علا حجبانو فيــها : كيـبقيتي شوية ؟
سميرة : شويـة
حناكها حمارو: باقي كيجيوني نغيزات
طه : فيناهو الدوا لي كنت جبتليك آخر مرة؟
حيدات المانطة معلية كتافها: ماعرفتش ماعقلتش فين درتو
دار فتح المجر ديال الاباجورة لقاه باقي تما من آخر مرة، هزو وناض جاب كاس دالما فتح وحدة شاف فيها: قادي جلستك
توگـضات بشوية كالسة سدات على عينيها بزربة شادا تحت كرشها، تاصغر عينو معاها بحالي تألم، قرب الحبة شداتها من عندو وشدات باليد الاخرى الكاس لاحتها ففمها وشربات عليها الما.
مد يدو للميكة لي جابها هزها عطاها ليها : كولي دابا شي حاجة باش مادركش ماكليتي والو ليوم!
شدات من عندو الميكة فتحاتها خرجو عينيها بالقلوبة: شكلااااااااااااط اااااا كنحماق كنحماق كنحماق كنحماق عليه
تبسم مجنب تحت من لحية ديالو : بصحة ماتاكليش كولشي باش مايضركش، بالشيفا انشاء الله
طلعات عينيها متبعاه وهي تدوي مدبلة فمها : ماقلتيش ليا مناش مضرور؟
وقف بقا عاطيها بالضهر وهضر بشوية : تصبحي على خير
خرج ساد الباب موراها خلاها جامعة شفايفها وعوجاتهوم جنب كتفكر : واش زعما الجرحة ضراتو ؟! اصلا فين كان تالهاد الوقت !! ( علات كتافها ) لي فيا كافيني اناكل بعدا
ضحكات مخرجة لسانها عضات على شفايفها فرحانة من الشكلاط لي جابليها
مع الصباح بكري نزلات هيلكبتر فجبال ديال ايتوزين بعيدة، كانت بلبسة باش جايا واقف جنبها عصام والخدامة هبط الطاقم الطبي مسيفط من الكلينيك درباط هزوه بالبياص وتبعاتهوم هي طلعات معاه هي وعصام، دغيا هزات السيروم كتقاد ليه وشافت فيه تنهدات فنفسها نطقات :
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
