الرحمة 2 MERHAMET

PART 28

* طنجة

كانت كالسة كتفطر فكافي دوليكس برا، دايرا يديها عند حنكها وساهية، كل خطرا تسرط ريقها وتنهد كتفكر فيـه كانت عارفة القدية ماساهلاش ولكن صدمها بزاف، حيت كيفما كان الحال هي بقا فقلبها كيفما كان نهار اللول وعمرها قدرات تبغي شي حد من غيرو بقات كتفكر فاخر لقائها بيه

***

مسكتين الطموبيل حدا لافاك وكالسو حداه ماكيشوفش فيها
رضى : ( زير على الڤولون ورجع شاف فيها ) شنو بغيتي من اللخر ؟

اسلام : ( طلعات عينيها ورجعات شافت فيه قلبها كيضرب ولكن مهدنة عينيها على عينيه ) أنا عارفاك كاره كلستك معايا عارفة شحال حاقد عليا شحال ماحاملينيش، عار..

قاطعها: الالة انا ماحاقدش عليك غير حيدتك من حياتي صافي ( طرق يديه حدا وجها ) نتي ماكاينش فعينين رضى، نقطة وسالات وسدينا sujet ماتبقايش دخلي وتخرجي معيطة ليا ختي الواليدة نتي بحالي القيامة ناضت شنو وقع ياك لاباس رجعتي مرحبا بيك لافاك ماشي ديال با ديري دكتورة ولا حتا انشتاين هاداك شغلك ( برك على حرف سميتها ) ا اسلام

اسلام : ( رمشات بزربة واقفة ليها العصة فحلقها ) هاد الكلام ماخارجش من فوسطك ( جا يهضر زربات عليه ) واااااخاا تقنعني واخا منعرف شنو، انا ماجايش على القرايا جايا على ودك ماقدرتش ماقدرتش واش نتا قدرتي
جات تهز يدو خطفها منها

رضى : دوي بفمك

اسلام : لهاد الدرجة

رضى : ( طلع نفس بجهد ) شوفي اختي راسي ضارني بالعربية عيان فكري، دوي ولا تقودي الله اعاونك

اسلام : ( بجدية ) حتارم راسك

رضى : هي لاهبطتي دابا بحالك ونسايني من حياتك

اسلام : انا درت داكشي على مستقبالي

رضى : درتيييه حيت طلعتليك فكرك

اسلام : ريييضاااااااا

رضى : ( جمع قبضة يدو ) غاتحلي عليا فمك غانهرسو

اسلام : ( قربات لعندو عينيها حومر ) كاينة شي حقيقة نتا ماباغيش تقبلها اه بغيتي تزوج تزوجتي داباا هضر قوليا تزوجتي شنوو درتييي

رضى : هههه كتبردي على راسك ازين

اسلام : الحقييقة ( ضربات على قلبها ) حيتاش مالقيتيش لي غاتبغيك قدي انا لي بغيتك ارضى انا انا ( ترعدات ) نتا اول واحد تقيسني نتا اول واحد فحياتي وانا اول وحدة فحياتك نتا عشتي معايا لي عمرك تعيشو مع شي وحداخر، نتا مورايا ماخليتيي معامن كنتي كنت كنشوووفك بعينيي ماخليتي شكون نعستي ولا تصاحبتي معاها اما انا بقيتي نتا بوحدك فقلبي