الرحمة 2 MERHAMET

PART 27

العين فالعين وهو بيناتهوم ناعس، دـم طه كيقطر فوق الكاشة ديالو مزير على الموس لي شاد عصام باش مايوصلش لهيثم

حـرك ليه راسو بلا بمعنى رجع اللور وتوخر، صغر عصام عينيه وطلق الموس نايض واقف حمرر دار بزربة لعند الشرجم نقز من تم وصل للارض داير يديه فالجيب ومشا معصب وعروق عنقو غايطرطقو

بقا واقف شحال توكض حيد يدو من الموس مزير على سنانو اليد كولها تحمجات مجروحة كتسيل، جمع الموس بشوية طاويه وحشاه فجيبو، دور عينو بانليه واحد السوفيطمة رقيقة فالبيض هزها قطعها ملوي على يديه باش احبس الجرح، وحشا لي بقا من التوب فجيب اللوراني مطوي، مشا لعند الباب فتحو بشوية خرج غي بالحس وسد الباب عارف فين يحط رجليه ولابس سبادري رقيقة صوت خطاويه ماكيتسمعش .

دور عينيه على الطبقة وتحرك بشوية كيشوف الضو عندها مشعول من تحت الباب هو عارف بلي هاداك هو بيتها من اول نهار جا لعندهوم حيت شرجم كيطل على برا، تقدم بشوية تاوصل لعندها، ضرو راسو شغاتكون كدير فهاد الليل وعلاش مانعساش دخلو الشك، فينما كتجي لدارهوم كدير شي مصيبة، حط اليد لي صحيحة على البواني وفتحو بشوية بلا حس دخل راسو كيطل بشوية غا بعينيه، تلاقا معاها نيشان كالسة حدا المرايا جمع حجبانو كيشوفها مخرجة لسانها مركزة مع شنو كدير، كتكب فيديها زيت وترجع لسدرها كذهنو ودور عليه، عندها صغيور ورويسات ديالو غوز لابسة كلون فالابيض وبينوار مهبطاه كامل كالسة عليه وواخدة راحتها على الاخر شعرها طالقاه طويل مغطي ضهرها العاري، كيحاول افهم شكاتصنع عض على شفايفو شوييييية كيشوفها من المرايا تاتقدم عقد حجبانو وسد موراه الباب بالساروت شي لي خلاها بزربة تعلي عينيها فالمرايا نيشان طاحت فيه ناضت قافزة بجهد ضربات فخضها مع الكوافوز طاحت الزيت مشخشخة فالارض قلبها كيزدح دارت لعندو دارت يديها على سدرها مغطية ماجات تهضر مصدومة زرب عليها بجوج خطوات جرها من لور ضهرها باليد لي مضروبة زدحها مع سدرو واليد الثانية سدليها بيها فمها

طه : شششش

خرجات عينيها فيه وحناكها حمارو حمارو حمارو سدرها لاسق مع الجاكيت ديالو دالكوير لي لابس، مهبطة عينيها بين رموشها كطل على سدرها مامصدقاش المنضر لي شافها بيها، شداتها بيبي بغات تموت ومالقاتش كيفاش، من شوفاتها هبط تاهو عينيه جا مع الفرقة دسدرها ورجع شاف فيها دوا بالحس : شكاديري ؟

سرطات ريقها كترعد عينيها عمرو بالدموع بالاحراج لي كتحس بيه
علا حجبانو : شرحيلي شكاتصنعي ( شاف عند الارض القرعة لي مهرسة ) شداكشي كدلكي بيه ( شاف فيها ) غانحيد يدي على فمك هبطي صوتك ودوي بشوية

حيد يدو شفايفها كيرجفو ماقادراش تشوف فيه : شش ششكادير ه هن نًتم
تخالطو ليها العرارم