الرحمة 2 MERHAMET

PART 25

* طنجة

وصل معاها تالشاريع لي كيقطع لكاريان مابغاش تدخلو لدوك الاحياء وقف بشوية دنيا خاوية وليل طلعات عينيها فيه مبسمة بشوية : شكرا

راخي يديه دوا بشوية : مرحبا الله يا ودي

غيثة : ( شافت فيه شحال تادار تاهو دار عينيها فعينيها ) قلبك زوين ارضى، ( سكتات بشوية تنهدات ودوات ) قليل فين كنتلاقاو مع ناس فدنيا كيبغيو اديرو ولو حاجة خفيفة باش اشوفوك غير ضاحكة

عينيها لمعو وشافت عند الضو دشاريع وابتسامة حزينة ففمها
موكي راسو على الكرسي كيشوف فيها خلاها تاكملات هضرتها ونطق تاهو مهدن : تاحاجة ماتستاهل اغيثة خلي ديما هاد الهضرة فراسك

شافت فعينيه : عارفة هادشي ولكن الضروف كتكون قوا منك

بقا شحال ساكت وهو ينطق : الى حتاجيتي شي حاجة اتلقايني هنا شوفيني بحال خوك الكبير نتي وامال عندي فنفس المرتبة

غيثة : ( تبسمات ليه ) حتا انا درتك خويا الكبير لي ديما تمنيت يكون عندي، وسعدات امال بخوها بحالك ( عضات على شفايفها مشتتة النضر ديالها ) انا غانهبط

حركليها راسو نزلات وحركاتليه يديها باي باي رادة شعرها مور وذنيها، تمشات مرجعة يديها فجيب الكبوط، بقا متبعها من اللور راخي راسو خلاها تابعدات شوية ونزل من طموبيلتو داير تاهو يديه فجيبو، تابعها من بعيد حيت الليل خاف عليها لاتقيصها شي حاجة وخصوصا هي بنت فهاد الساعة ماجاتش، مابغاش احرجها داكشي لاش تبعها بلا مايعيق، غير بجوج فشاريع خاوي كيشوف شحال فيها من اللور راسو كيسول بزاف على هاد البنت لي بانت فجأة فحياتهوم، باينة عندها اسرار كثيرة من شوفة عينيها لي مضلمة وكتعرفها عاشت بزاف، دار معاها على درب داخلة لحومة شعبية باقي محركة فيها الدعوة شوية، وقف بعيد متبعها بعينيه تاشافها وصلات عند واحد الدار من ديور الكاريان ودخلات، تنهد حس بيها وعرفها حشمات باش دخلو حتالتما باش مايعرفهاش فين عايشة، ضرو خاطرو عليها ماعرفش علاش، تم داير راجع بحالو وهو كيفكر كيفاش لقاها قبيلة جيهت الكورنيش دالبحر وكيرجع بعقلو لاول نهار سمع الابيل ديالها باين مع باها فالجنازة، هو عارفها بنت الحرام، ولكن ماعارفش قصتها وكيفاش تارماتها هنا وبدا يجيه الفضول يعرف عليها، طلع فطموبيل نفض تفكيرو وديمارا طموبيل غادي للدار، كيف مشا مراه مباشرة طموبيل كلاص كتوقف، هبطات منها خولة لي باينة فيها سكرانة شدات الفلوس من عند مولاها ومشات كتمشا وتعوج بطالون كتشد فراسها باش ماطيحش .

صبح الصباح، حطها الطوبيس حدا باب لافاك دخلات قرات ما خرجات حتالبوز ديال الغدا لافاك عامرة والدنيا مشمسة وعاد الاندية و les clubs دايرين الاشهارات ديالهوم دنيا مطرطقة ومروجة طلاقات مع امال فالكلوار شي غادي شي جاي : صباح النورات