شــاف فيها مطول بجدية، وهي تعاودها بشوية : عافاك غير هادا المرة ( دارتليه بصبعها واحد ) غاهاد المرة
غمض عينيه وحلهم كيستغفر الله: فين باغا توصلي ابنت التمسماني فين !!
تمشا بشوية رد الغطا ديالو فوق الناموسية وتكا حداها هي بزربة عضات على شفايفها قلبها تزدح كيضرب بجهد، دار شافيها مكمشة : غانطفي الضو دابا انا حداك عيان فراسي والضو مبرزطني
كتمسح دموعها: صافي واخا
زادت عضات شفايفها كتحك رجليها مع بعضياتهوم
طفا الضو متكي على ضهرو، بقات كتشوف فيه غير بضو القليل لي داخل من الشرجم، تبسمات وحاولات تكحز بشوييييية، غمضات عينيها عاضا على شفايفها ورجعات كحزاات شوييييية، كيسمع غير تنخصيص دمور البكا، مغمض عينيه ومهدن، خرجات لسانها بشوية كتحز ثاني تاكاتشلط كيدور بزربة حط يدو من اللور وجبدها لعندو تاحلات عينيها بجهد راسها تخشها فسدرو، ريقها تسرط ودـم بدا يتضخ لقلبها بزربة بكترت الصدمة الدموع تعمرو لهيا
ساد عينيه مهدن ومزير عليها من اللور: مزيان هاكا ؟
حركات غا راسها بشوية لسانها تسرط، غمضات عينيها كتشم ريحتو وكترجف، قربو ليها لهاد الدرجة ولاول مرة خلاها بغات تسخف
طه : ( بكالم ) لابقا قلبك كيضرب هاكا مايجي الصباح تاتكون مول الامانة دا امانتو
شلطها طلعات راسها فيه: هاا
بلا مايشوفها: شنو لي خلاك ثيقي فيا ونتي مكتعرفيش وجهي دبصح كيداير؟
سرطات ريقها كترمش بزاف عليها هادشي ماقدراتش تستوعب : كيفاش
بعد راسو بشوية وحط عينو فعينيها كاتبان شويية فضلام: شنو الحاجة لي خلاتك تيقي فيا اسميرة؟
رمشات فيه وعلات كتافها: ماعرفتش
طه : ماكاتخافيش شي نهار نردليك الصرف على كاع لي درتي فيا ؟
شافت فيه شحال ودورات راسها بلا
طه : علاش !
سميرة : ( تبسمات ) حيت نتا واحد مزيان
علا حجبانو: الثقة ساهلة عندك ابنت التمسماني
رمشات فيه تبسمات: مافهمتش
طلع راسو تنهد وسد عينيه : قراي الشهادتين ونعسي حسك ففراشي منسمعوش
عضات شفايفها كدور فعينيها وكتلعب بصبعها مع البودي ديالو بشوية بستريس، بقات هاكاك تاتنضم النفس ديالها ونعسات وقلبها مرتاح
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
