الرحمة 2 MERHAMET

PART 11

بقا واقف وكيســمع فصوتها وهي كتجابه وتسنطح ودافع عليه، صوتها رقيق طالقة فيه مع سالات كمل خطاويه وهو يبان ليهوم زادهوم ساكتة على مسكوتة، خلاتها تاهية ترجع اللور خلعها

طه : السلام عليكم
شاف فعينيها نيشان عاد دور عينو على مالين دار حطهوم فديال مراد: ياك شي باس ماكاين، شواقع هنا ؟

مراد : على السلامة الروبيو يموت لي يموت ويحيا لي يحيا ونتا ماعلابالكش ؟

رحمة ناضت عندو دغيا كتقيس فيه : واش لاباس عليك ماطرا ليك والو ؟

شدليها يديها باسهوم مهدن: الحمد لله هاد الساعة حنا غادين مع الدنيا الحاضي هو الله

مراد : واش حمقتي اولدي واش كتصرف بلا شوار بّاك

طه : الموضوع ماشي هنا الواليد، وهاد الساعة عيان ساعة خرا ويحن الله

مراد : راه بقاليا غالسكار معاك مادرتيهش ليا

نونو : ولاد اليوم والو ماكيسمعو كاع الهضرة ( شيرات بعكازها لسميرة ) نزلي عينيك نتي كاتجابهي مع شيخك نعلة الله وعليك تربيت تريكتك

شافت سميرة فيها نيشان ماحملاتهاش تقوليها هاكاك وماقادراش تجاوب عليها كتخاف من طه زيرات بيديها على بيجامتها .

بجوج خطوات جر سميرة عندو خلا كولشي يشوف فيه ودار عينيه فين باه : تصبحو على خير لماجاك نوم ميعادنا فالفجر

دار جارها من يديها مقدمها عليه وتبعها من اللور خلا كولشي غير كيشوف ناضت نونو تنكر مابغاتش تسكت : صافي هاهي داتو ليكم هاهو بدا يجابه فباه قدامها

مراد : الواليدة ماعارفاش اش كاين طلعي لبيتك ترتاحي

رحمة : ماكانشي عليك تقولا هاكاك اخالتي البنت ماعملات والو ونتينا كتعرف مراد من شحال بحال هايدا مع طه

مراد : هاد الولد ماغايساليش حتا يسيفطني للقبر ولكن الحق ماشي عليه الحق على لي ضسرو

رحمة سكتات وهبطات راسها، اما ايمان طلعات بحالها طلعليها هاد الصداع فصحتها نهار ومطال هاكا طه طه طه، تاحد مامسوق ليها هي واش كاينة فالحياة من غير عصام لي مدوز عليها العصير فحياتها .

دخلات لبيتها وخبطات الباب طاحت متكية فناموسية شعرها زعر مرمي حداها داخل فيه القهوي، خدات لونو من مها وهي بين وبين ما بيضة ماسمرة وعينيها عسلين، فنيونة وغرالة وكدخل للخاطر، ولكن كتحس براسها ماعندها قيمة، بلاصتها كي كاينة كيماكايناش فدار، شحال من مرة كتشدها الغيرة من أمال حيت مفششة وكولشي كيدير ليها فالخاطر وديما رايها مسموع عكسها هي، وزيدها بالقميع من عند عصام، حاضيها فالشادة والفادة ولامشات بغات تلعب هبل تربح غادي يقتلها عصا، طه عزيز عندها بزاف عمرة حط عليها يدو، ولكن ماعايشش معاهوم وبعض المرات كجيها الحنين تكون بلاصتو حيت طه هو الكل فالكل فدار، حتا من جدودها كيعزو طه ورباوه على يديهوم، وحياتهوم كاملة من نهار تزادو وهوما غير مع طه دخل طه خرج طه