ဟီနာအမနဲ့ညီမတွေက သူ့အမေကိုသွေးထိုးနေကြသည်။ ဟီနာ ထိုခေါင်းဆောင်ကြီးနဲ့ယူလိုက်ရင် နှိပ်စက်ခံရမှာလို့ သူတို့က တွေးကာ အတင်းလက်ထပ်ယူစေလိုက်သည်။ အခုတော့ နှိပ်စက်မခံရတဲ့ပင် အရေးပေးတာပင်ခံနေရသေးသည်။ ထို့ကြောင့်သူတို့ မနာလိုဖြစ်ကာ အမေဖြစ်သူကိုသွေးထိုးတော့သည်။
"သူ့ကို အိမ်ခေါ်ခဲ့ပြီး သေချာဆုံးမမှရတော့မယ်.."
"ဟုတ်တယ်အမေ.."
.......
"အာသာ လက်ဆောင်တွေယူလာခဲ့ပါတယ် လူကြီးမင်းတို့ သဘောကျမယ်လို့မျှော်လင့်ပါတယ်"
"ကျေးဇူးတင်ပါတယ် ခေါင်းဆောင်"
"ဟီနာကိုကျေးဇူးတင်လိုက်ပါ သူရဲ့ဆန္ဒအရ ယူလာခဲ့ပါတယ်"
"ကျေး..ကျေးဇူးပါ သား"
ဟီနာအဖေက ဟီနာကိုကြည့်ကာ အင်တင်တင်ဖြင့်ပြောလိုက်သည်။
"ဟုတ်..အဖေ.."
ဒီလက်ဆောင်တွေပါလာတာကို သိတောင်မသိတဲ့ ဟီနာက ကြောင်သွားတော့သည်။ အာသာဘက်လှည့်ကြည့်လိုက်သောအခါ သူ့ကိုမျက်လုံးတစ်ဖက်မှိတ်ပြလိုက်သည်။
"ဒါဆို အာသာတို့ပြန်ပါတော့မယ် "
အာသာက ခေါင်းဆောင်တစ်ယောက်ဖြစ်တာမို့ သူ့မှာတာဝန်တွေအများကြီးရှိသည်။ အခုတောင်သူရဲ့ဇနီးလေးကို မျက်နှာမငယ်စေချင်တာကြောင့်လိုက်လာပို့ရတာဖြစ်သည်။
"သားလေးအမေတို့ဆီ တစ်ရက်နှစ်ရက်လောက်နေခဲ့ပါလားကွယ့် မင်းရဲ့ ညီအစ်မတွေကလည်း မင်းကိုသတိရနေတာ.."
ဟီနာထိုသို့ကြားသည်နှင့် အာသာရဲ့ အင်္ကျီစကိုတင်းကြပ်စွာ ဆွဲထားလိုက်သည်။
သူတို့နှိပ်စက်တော့မယ်ဆိုတာကို ဟီနာသိသည်။ သူတို့စိတ်မကြည်တဲ့အခါတိုင်း ဟီနာကိုရိုက်နှက်ကာ စိတ်ဖြေကြသည်။ သားလို့ အခုမှခေါ်ဖူးတဲ့အမေဖြစ်သူကိုလည်း ဟီနာအံ့ဩစွာကြည့်နေမိသည်။ သူတို့ပုံစံက မသ်လျှင် ဟီနာကိုအရမ်းချစ်ကြသလိုပင်။
"ဒါတော့တောင်းပန်ပါတယ် အာသာဇနီးလေးကို ခနလေးတောင်မခွဲနိုင်တာမို့ မထားခဲ့နိုင်ပါဘူး နောက်မကြာမကြာလာလည်ပါ့မယ်.."
YOU ARE READING
My Little Wife
Fantasywarning‼️‼️ married life 🖤 intersex 18+ အသားပေးမို့ မကြိုက်တဲ့သူတွေ မလာပါနဲ့ please ✖️✖️