▪︎06▪︎
မိန်ရိစီရဲ့ မင်္ဂလာဆောင်က သိပ်ကို အလျင်စလိုနိုင်လွန်းတယ် ။ သူ့ယောကျ်ားကို စသိတဲ့အချိန်ကနေ လက်ထပ်မှတ်ပုံတင်ပြီးတဲ့အထိ အားလုံး တစ်လလောက်ပဲ ကြာခဲ့တာ ။ ဒါကြောင့် ဒီနေ့ ညစာစားပွဲမှာ သမက်ဖြစ်သူရဲ့ မိသားစုနဲ့ပတ်သက်ပြီး ဂရုတစိုက်နဲ့ မေးကြည့်ကြပါတယ်
"ရိစီက တစ်ဦးတည်းသောသားဆိုတော့ အနာဂတ်မှာ ငါတို့ပိုင်သမျှက သူ့အတွက်ပါပဲလေ
အခု သားနေနေတဲ့အိမ်ကရော မိသားစုပိုင် နာမည်နဲ့ အိမ်များလား"သူ့ယောကျ်ားက မြန်မြန်ဆန်ဆန်ပြန်ဖြေတယ် ။
"ဒါက ကျွန်တော်တို့ရဲ့ နှစ်ဦးဆိုင်အိမ်ပါ ၊ နောက်အပတ်ကျရင် ရိစီကို ရုံး ခေါ်သွားပြီး သူ့နာမည်ပါ ထည့်လိုက်ပါ့မယ်"
မိန်ရိစီရဲ့ မိဘတွေက စိတ်သက်သာသွားဟန်နဲ့ ခေါင်းညိတ်လိုက်ကြတယ် ။
မိန်ရိစီက ညစာပန်းကန်ကိုကြည့်နေရာကနေ ခေါင်းကိုမော့ပြီး အကြောင်းမရှိ ပျော်နေတဲ့ မိဘတွေကို ကြည့်ကာ မျက်ခုံး တွန့်လိုက်တယ် ။
နာမည်လေးထည့်တော့ရော ဘာဖြစ်လဲ? ဒီအိမ်ကို ဝယ်ထားတာ ဘယ်သူလဲ? အကြွေးနဲ့ဝယ်ထားတာဆိုရင်ရော? အိမ်အတွင်းပိုင်းကိုရော ပြင်ပြီးပြီ မို့လို့လား?
တကယ်လို့ ဒါသာ သူ့ယောကျ်ားမိဘတွေက ဝယ်ပေးထားတာဆိုရင် သူတို့ကွာရှင်းတဲ့အခါ အကြွေးစာရင်းကြီးနဲ့ ပစ်ပေါက်ခံရနိုင်တာပေါ့ ။ သူက အိမ်အတွက်ထည့်ထားတဲ့ ရင်းနှီးမြှုပ်နှံမှုတွေကို ဆုံးမဲ့အပြင် အကြွေးက တင်ဦးမယ် ။
ဒီကိစ္စတွေကို အဖေတို့အမေတို့ နားမလည်ပါဘူး ။
အဖေတို့က ရယ်နေဖို့ပဲ သိတာ ..."ဘာဖြစ်လို့လဲ ရှောင်စီ"
သူ့ယောကျ်ားက သူ့ကို သတိထားမိပြီး အာရုံစိုက်ကာ မေးလာတယ် ။
"ဘာမှမဖြစ်ဘူး"
သူ့မှာ စကားပြောချင်စိတ်မရှိဘူး ။
▪︎07▪︎
ညနေကျတော့ သူတို့အိမ်အသစ်ကို ပြောင်းကြတယ် ။ အိမ်ပြောင်းတယ်လို့သာပြောတာပါ မိန်ရိစီက ခရီးဆောင်အိတ်တစ်ခုကလွဲရင် တခြားဘာမှ ယူမလာဘူး ။
YOU ARE READING
ပျင်းစရာကောင်းတဲ့ပုံပြင်လေး(completed)
RomanceI don't own the story. I'm a translator