الـــعقرب 111
الكاتبة: 𝗥𝗜𝗔𝗛𝗜𝗡★
𝐈𝐧𝐬𝐭𝐚𝐠𝐫𝐚𝐦_ria_yu4
『』『』『』『』『』『』『』
_ اجو بتجاهي ولزموني سحلوني سحل للسيارة ربطو عيوني ودخلوني لسيارة وانا ساكته ما فكيت حلگي اتحركت السيارة وعمتي وراي ما بقة دعاء وما بقت غلطه ما حجتهة , الطريق طويللل لدرجه حسيت رجليه خدرن وصلنه ونزلوني دفرات
دخلوني للمركز وگبل لغرفه تحقيق أو هيج شي ما ادري دخلت بخطوات هادئة وكعدت علا الكرسي وكفت صافنه أتاني ، سمعتهم و هما يتهامسون , ولك مو أهنا نجيبهة
لعد وينن ، اول شي بلسجن بعدين بلمحگمه وهيج , تمام ، ضحكت بحيرا هاي صدك عود دخلو عليَ ثنينهم واضح ازغار بالعمر وما يفهمون شي رجعو سدو عيوني واخذوني وياهم دخلوني للسجن جان بمركز سدو الباب وطلعو صفنت اباوع شنو هسة هاي هية كعدت علا الارض اتاني اشوي وسمعت صوت عالي فوك عرفته گبل عمي
- وينهة وينههةةةة
_ نزل جوا أعاين عليَ بكره واحتقار فتح الباب ولزمني من شعري لفه عله ايده بقوا
- هاي نهايتج بت عدنان مجرمهه مجرمههه
_ سحبه احد أيهدء بي
- انا مو بت عدنان انا بت منه ولي يحجي غير هيج اكسر رأسه
_ حجيت اخر كلمه بصوت ناصي وانا اشوفه يخزرني طلع من المكان يصيح عمي ذو رتبه عاليه جدا عنده سبع بنات و ولد الي اجه بعد عناء لطيف وخبيث ما ادري شلون اوصفه الكم , المهم الي عرفته انو راح انسجن أهنا لفترة هنوب يحققون وياي هنوب بالمحكمة وبعد الله العالم , طلعوني من السجن وخلوني بواحد ثاني جان معزول تماما عكس ذاك طبعا هذا علا حسب طلب عمي ضليت يومين مثل المخبله لا يحجون وياي حته الاكل حسرة عليه وجبه وحده باليوم ولماي مو نضيف حته شكيت بيهم منين يجيبون الماي ، ضليت يومين هيج لحد ما دخل عمي بذاك اليوم عليه ورا ثنين رجال اشر الواحد يجيبني
- لحد يلمسني انا اجي
_ اشرلهم بيده يعوفوني ومشوا وانا وراهم مشينه هواي جانو هادئين كلش لدرجه سمعت خطواتي وصلنه الغرفه ودخلوني بيهة طلعو كلهم بس عمي بقة
- يلا بت منه تفضلي غردي
- شغرد
- اعترفي بكل شي واختصري
- اسمع عزيزي انا الي ضربته بسجينه وذا انعاد بيه الزمن هم راح اعيدهة لن يستاهل
- يستاهل ؟
- اي اي نعم وإذا بيك خير اسمعني خل احجي !
- بلا احجي
- شوف عيناي ابن أختك انسان گواد ابن گواد , و اي اغلط وافشر انتَ معليك , من اول ما اجه حضرت جنابه يتحارش لحد ما تجرأ الوسخ وطخ جسمي يعني جسمي لمس جسمه وبعد انتَ ادرا بهاي السوالف
