"ထာဝရဘုရားသည် ကောင်းမြတ်တော်မှု၍ ဂရုဏာတော်အစဉ်အမြဲတည်သောကြောင့် ဂုဏ်ကျေးဇူးတော်ကိုချီးမွမ်းကြလော့။"(၃)
"ကဲ အားလုံးဘဲကျွန်တော်တို့အတူတူ ဘုရားသခင်ကိုချီးမွမ်းကြရအောင်။"
အယ်စေးဝါးဦးဆောင်ကာ ဘုရားသခင်ကိုချီးမွမ်းကိုးကွယ်ပြီး ရောက်ရှိလာတဲ့အသက်တော်အားလုံးသည် ဘုရားရဲ့မျက်မှောက်တော်ထဲကို တိုးဝင်ကြလေသည်။
သံစဉ်တွေနဲ့အတူ ကခုန်ချီးမွမ်းကိုးကွယ်နေကြတာ မောတယ်လို့တောင်မရှိပေ။သံစဉ်တွေနဲ့ချီးမွမ်းကိုးကွယ်ပြီးနောက်မှာ ဆရာပြောပြလာတဲ့ဘုရားရဲ့နှုတ်ကပတ်တော်တွေခံယူပြီး တရားဟောခြင်းအစီအစဉ်စတင်လေသည်။
စာအုပ်နဲ့ဘောပင်ကိုမြဲမြံစွာကိုင်ဆောင်ထားပြီး ဆရာဟောကြားတဲ့တရားတော်တွေထဲက အဓိကအချက်တွေလေ့လာသင်ယူရမယ့်အရာတွေ ဘုရားစကားတွေကို လိုက်မှတ်သားကြသည်။
"အယ်စေးဝါး စားပြီးရင်ဆရာ့ကို ဒီဆေးလေးသွားဝယ်ပေးအုံးနော်။"
"ဟုတ် ဆရာကျွန်တော် ပြီးရင်သွားလိုက်မယ်ဆရာ။"
"အေးအေး ပြီးရင်ပိုက်ဆံလာယူနော်။"
"ဟုတ်"
ထမင်းစားရန်ပြင်နေကြသည့် လူငယ်ဝိုင်းတွင်အယ်စေးဝါးနဲ့စုစုငြိမ်းက အမြဲနောက်ကျ၍နှစ်ယောက်တည်းသာ ဘေးထွက်စားဖြစ်သည်။
"အယ်စေးဝါး စောနတုန်းကဆရာနဲ့စကားပြောနေတဲ့အစ်ကိုကြီးကဘယ်သူလည်းမသိဘူး။"
"မသိဘူးလေ။"
"ငါမှားတာ ငါမှားတာ နင့်ကိုမေးမိတဲ့ငါမှားတာ။"
"သိရင်ပြီးရော စားမြန်မြန်ပြီးရင်လိုက်မှာလား။"
"ဘယ်သွားမို့လဲ။"
"ဆရာကဆေးဝယ်ခိုင်းထားလို့"
"မလိုက်တော့ပါဘူးဟာ ငါ့အိမ်ကရာသီဥတုမကောင်းဘူးခုတောင်ငါထွက်လာတာမသိဘူး အဖေနဲ့အမေရန်ဖြစ်ထားကြလို့။"
"အေး ဒါဆိုလည်းစားပြီးရင်မြန်မြန်ပြန် ငါလိုက်ပို့ပေးမယ်။"
နှစ်ယောက်သားစကားလေးတပြောပြောနဲ့စားလိုက်ဆော့လိုက်နဲ့ပတ်ဝန်းကျင်ကိုမေ့နေသည်။ချစ်စရာကောင်းအောင်ရယ်နေတဲ့ကရင်လေးကို အဝေးတစ်နေရာကငေးနေတဲ့သူရှိတာ မသိကြပေ။
YOU ARE READING
ရင်ခုန်သံကိုမညာချင်ဘူး_(Completed)
Romanceကိုယ့်ရင်ခုန့်သံကို ကိုယ်မညာချင်ဘူး။မင်းလည်းကိုယ်နဲ့ထပ်တူ ကျနေမယ်လို့ကိုယ်ထင်တယ်။ Shine+စောအယ်စေးဝါး
