" الرّايــس "
_______
غيثة : ( شافت فيها ) مالها مسكينة !
أمال : ( تنهدات ) قصة طويلة، واليديها واقع بيناتهوم صداع ومها ماشي مغربية جزائرية ومشا لبلدها خلاتها مع باها وبغات تبعها عمي مابغاش وبقات كتدروكا خرجات لطريق تاجابها للمغرب وحطها فسبيطار دالادمان .
بقــات غيثة كتسمع ودور تشوف فنسرين باقا معنقة رضى وكيفاش كيجمعها بين يديه وكيسرحهوم على شعرها .
غيثة : ( نطقات بصوت خافت ) كيبغيها ؟
أمال : ( تبسمات ) ماعرفتش ولكن اكيد كتعجبو وباغيها حيت شحال من مرة كيجي لناظور غير على قبلها ولكن لا ماما لا بابا عارفين واش كيبغيها مي عارفينها عزيزة عندو .
غيثة : الله اخليهوم لبعضياتهوم .
أمال : امين ازابن تانتي دابا يعوضك ربي والله اتهناي من داك الكلب .
حنات راسها رادا شعرها المسبسب الكحل مور وذنيها وجامعة يديها عندها دوات بشوية : امين .
هي عارفة وقلبها عارف صعيب تعاود ثيق فشي حد ثاني، كرهات الرجال والزواج ومايجي منو، كتحس براسها معلقة وبغات غافوقاش طلق وتهنا، تحشات فحفرة غارقة وفينما تبغي تقرب تخرج كيخواو بيها رجليها، والسبب الكبير من عند باها، غرقها ومابقاليها فين تخرج، ومن هادشي كامل كيتبرا منها .
سرطات ريقها وقلبها كيضرب كيفما كان الحال غاتهنا وتمشي تبدا حياة جديدة، تضبر على راسها وتكمل قرايتها باش تخدم ماحسن، وتصوڤي راسها مابقاش عينيها فزواج ولا فحتاحاجة، عاودات شافت فنسرين ورضى ، تنهدات بشوية الفرق بينها وبين نسرين ان هي طاحت فولد الحرام ونسرين طاحت فولد بغاها من قلبها عينيها ترعدو حيت تمنات، تاهي كون جاها فحياتها واحد بحال رضــــى .. يكون أخ أو يكون ... حــبيـب .
أنت تقرأ
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
