جود:نقول زينه
ام عبدالله:قومي بوديج العياده
جود:مب لازم عمو عادي
ام عبدالله:لا والله مب عادي طالعي كيف حالتج
جود:عمووو والله عادي بصح ان شاءالله وهو تعب عادي عشان ذاك الشي
ام عبدالله:اهااا حتى ولو يمكن تكونين حامل
جود:حاااممملل!؟
ام عبدالله:بسم الله بلاج زيغتيني هيه يمكن تطلعي حامل
جود:لا ان شاءالله
ام عبدالله:ليش؟
جود:بس مافيني احمل لو انه خاطري بياهل بس انا وحمدان متفقين ع الاقل نكمل سنه
ام عبدالله:خخيبه سنه مره وحده ترا عقب مابترومين تحملين
جود:هيه عمو عشان اذا صار شي بينا وتطلقنا الله لايقول ويكون في ياهل بنظلمه من هالناحيه عشان جي قررنا مانييب عيال ليين نستقر
ام عبدالله:شهالرمسه وبعدين لو صار شي بينكم مابتتطلقون لو في ياهل
ابتسمت جود وسكتت
عند حصوه وحمود
حصوه : تراني بعدني زعلانه منك ويايه معاك غصبا عني ولا انا مب راضيه
حمود : اعطيك عيوني وترضين؟
حصوه : خلها لك مابا شي منك
حمود : تنتظرك مفاجات واجد حلوه
حصوه : مابا شي
حمود : ماهو بكيفك
حصوه : بعدين انت وين ساير الحين؟ مالي خلق اتحوط رجعني البيت ابي ارقد تعبانه
حمود : مابنرجع البيت بنروح فندق كذا كم يوم لين ترضين علي
حصوه : مابا اسير وياك فنادق ردني البيت يلا
حمود : ما اخذت رايك
حصوه:اف اففف
حمود:عيب عليك يامره انا رجلتس
عطته نظره وسكتت
وصلو الفندق
حصوه: ما بنزل
حمود: كسري الشر احسلك و انزلي
حصوه تأففت و نزلت بدون نقاش
دخل حمود حجز غرفه حق يومين خلص حجز و راحو الغرفه قعدو داخل الصاله
حمود: شو رايج نطالع فلم
حصوه بدون نفس: اوك
حمود: اي فلم
حصوه: عادي اي شي
حمود: يلا اوك فلم رعب
حصوه: لا اخاف من فلم رعب انت تعرف!
حمود: اوك شو فـ خاطرك من الافلام
حصوه قاعده تفكر: امممممم
حمود: عاد انتي سنه لين ما تختارين شي
حصوه: minions
حمود: بزره انتي؟
حصوه: لا صدق حطه
حمود شافها بنضرات و سكت ، قعد يدور الفلم لين لقا حط الفلم
نروح عند قوم بو فهد
YOU ARE READING
نـادر الاوصـاف 2
Actionنادر الأوصاف الجزء الثاني تدور الاحداث حول شخص يريد الانتقام من خواله ويصيب ابنائهم بمكروه
