ياكايد حبيت قلب ما يبغاني

البارت الرابع

و راحت ركض غرفتها و انفجرت تبكي فزو نوف و هنوف لما شافو نور تبكي
نور وهي منهاره:اكره اكررهه مستفز اكرره
نوف حضنت نور و قالت:بس بس يابنت بس
نور ضمت نوف و قالت: الله يسامحك ياجدي خلصو الرجال ما عطيتني الا كايد الله يساااامحك
نوف جاتها غصه و شدت على نور بحضنها و قالت:الله يكون بعونك ياختي الله يكون بعونك يا نورحياه نوف
—————————————————
عند الرجال
طلع كايد من الصاله التفت احمد وهو يشوف كايد يمشي بسرعه وهو يطلع برا البيت التفت احمد وهو يشوف نور الي كانت منزله راسها و ما تحركت من مكانها التفت احمد وهو يلحق كايد الي طلع برا البيت و قال :يلا يبا
ابو كايد:وش الي يلا يبا وش صار كلمتها
كايد :ما صار الا كل خير
ابو كايد:و من وين يجي الخير ونت من صرت ولدي ماعاد شفت للخير درب
سكت كايد و صد وهو يركب الونيت حقته
ابو نور:اذكر الله يامحمد ليش كل هذه وش سوا هو
ابو كايد:انت مالك دخل ولدي و اعرف كيف اتعامل معه
خلص ابو كايد كلامه و راح وهو يركب سياره كايد بدون لا يسمع رد من ابو نور و مجرد ركوب ابو كايد و الجد فهد تحركت ونيت كايد متوجه الى بيت الجد فهد الي ماكان يبعد كثير عن بيت ابو نور
التفت ابو نور وهو يشوف ونيت كايد و لما اختفت من الانظار اخذ نفس عميق وهو يزفره و قال :الله يهديك و يصلحك يا محمد
و صد وهو يدخل بيته و يسكر الباب
—————————————-
عند نور بعد ما هدتها نوف
نور ابعدت عن نوف و قالت :والله لا اخليه يندم على الساعه الي اخذني فيها
هنوف:وش بتسوين
نور:زي ماهو يتشرط علي انا بتشرط عليه
نوف :منجدك
نور ناظرت بنوف نظرات جديه
نوف سكتت
نور وقفت و مسحت دموعها و قالت:ما اكون نور اذا ما خليته يعض اصابع الندم على كل كلمه قالها
هنوف و نوف ناظرو ببعضهم بصدمه و ماهي الا ثواني و سمعو صوت ابو نور
ابو نور:بنتي يانور
نور مسحت دموعها و عدلت شعرها و قالت :سمّ يبا
و طلعت من غرفتها متوجهه ابوها
ابو نور :ياهلا ببنتي ياهلا بـ نور عيوني
ابتسمت نور:ياهلا فيك يا تاج راسي
التفت ابو نور على العمه ايمان قال :لو ماعليك امر صلحي لنا الشاهي و القهوه
العمه ايمان وهي تاشر على خشمها:على ذا الخشم
ابتسم ابو نور و غمز للعمه ايمان الي ابتسمت بخجل و راحت للمطبخ التفت ابو نور على نور و شافها تضحك بدون صوت
ابو نور:بنت! تضحكين على ابوك
انفجرت نور تضحك و قالت :لا لا
ضحك ابو نور و قال :الحقيني للصاله
نور وهي تقتح الطريق لابوها :تفضل
ابتسم ابو نور وهو يمشي متوجه للصاله و بنته وراه
قعد ابو نور على كنب الصاله وقال :ايهه يابنتي يانور كبرتي و صرتي عروس
نور وهي تمسك دله القهوه وتصب منها لابوها قالت :مو هذه الي كنت تبيه كنت دايم تدعي باليوم الي تزفرني عروس فيه
ابو نور:اي بس عروس على عريسك الي تفرحين فيه و يفرح فيك
نور عطت ابوها القهوه و قالت :الحمدلله على كل حال
ابو نور اخذ فنجال القهوه و قال :يعني انتي راضيه بكايد
نور:ليش وش الفايده من قولي حاليا وانا صرت زوجه كايد
ابو نور:وانا ما عطيتك لكايد الا وانا عارف اني عطيتك لرجال اجودي و ينشد فيه الظهر و يعرف يحفظك و يصونك
تقدمت نور و باست راس ابوها و قالت:الله لا يحرمني منك
ابتسم ابو نور و قال :ولا منك يانور عيني
نور :طيب عندي شغل لازم اخلصه استئذنك
ابو نور: إذنك معك
ابتسمت نور و راحت متوجهه لغرفتها دخلت و طلعت ورقه و قلم و قعدت على المكتب وهي تكتب بخط عريض (شروط بعد الزواج)
و تحتها شروط كثييره
و بمجرد أنها خلصت سكرت القلم و اخذت الاوراق وهي ترتبهم و تركتهم على جنب و راحت متوجهه لسريرها و نامت نوم عميق
_______________________________________
عند ابو نور. و العمه ايمان
العمه ايمان:وش صار
ابو نور:كل خير ان شاء الله
العمه ايمان:متاكد؟
ابو نور:يا بنت الحلال وش فيك ليش ٢٤ ساعه في قلق
العمه ايمان:خايفه على بنتي بس زواجها
ابو نور:مزوجينها لوحش ترا آدمي و ولد خالها كايد
العمه ايمان:لا بس اذا حطيت بنتي بوسط الوحوش بكون مطمئنه عليها أكثر من وهي عند محمد و ولده كايد
ابو نور:يابنت ترانا نتكلم عن نور ناسيه وش سوت كذا اليوم بكايد لما حاول يخنق لمياء ببيت اخوك عبدالله
العمه ايمان:مانسيت بس مو دايم نور قويه زي كذا
ابو نور:طيب وش تبيني اسوي اكسر كلمه ابوك فهد و افك ملكت نور
العمه ايمان :ماقلت زي كذا
ابو نور:وش يعني
العمه ايمان:أنا للحين مو مصدقه انو بيوم نور بتكون زوجه لكايد و بتعيش معه ببيت واحد
ابو نور:انتي الكلام معك ضايع
و قام و ترك العمه ايمان و راح متوجه لغرفته وهو يجلس على سريره
__________________
نترك بيت ابو نور و نروح نشوف ايش يصير في بيت ابو كايد في غرفه ابو كايد تقدمت ام كايد وهي تحط كاس المويه على الطاوله جلست ام كايد قبال ابو كايد الي رفع نظراته لها و قال:خير
ام كايد:ءء وش.وش صار على كايد و نور
ابو كايد:ماصار شي تمت ملكتهم وبس
ام كايد:قعدو مع بعض؟
ابو كايد بانفعال : ياكثر اسالتس !!
فزت ام كايد و قالت:اس.اسفه
ابو كايد:قومي اذلفي عن وجهي و طفي النور
ام كايد بهدوء:ابشر
و قامت و طفت النور و راحت متوجه الى غرفه كايد دقت الباب و ماهي إلا ثواني و سمعت صوت كايد الي يقول :ميين
ام كايد بصوت مخنوق :أنا ياكايد امك
فز كايد وهو يفتح الباب و شاف أمه الي عيونها امتلت بدموع
كايد:يما! سلامات وش صاير
ام كايد:ملكت على نور يا عيون امك
اخذ كايد نفس عميق و زفره بضيق وقال:اييه
ام كايد رفعت واحد من حواجبها و قالت :ليش الضيقه
كايد :يما انتي اكثر وحده عارفه اني ماحب الجنس الناعم و الانثى بشكل عام
ام كايد:يعني ما تحبني و ما تحب جدتك و خواتك ؟؟؟
كايد:لا يا يما لااا وش ذا الكلام انتو غييير و نور غيرر
ام كايد:وش الغير
كايد:ثلاث كلمات بس ....نور بنت مدن
إم كايد :وش يعني مافهمت وش فيها لو كانت بنت مدن
كايد:وش ما فيها يا يما لااا و زياده انها بنت مدن راميه حجابها و كاشفه و تطلع الشارع و كل من هب و دب يشوفها....يما أنا أبي زوجه محد شافها غيري
ام كايد بتفهم:فهمتك و متفهمه غيرتك بس ترا تقدر تخليها تتنقب بعد الزواج سهله
كايد:طيب و مابي زوجه تدرس و كل يوم رايحه جايه من الجامعه و تختلط بدكاتر رجال و حريم
ام كايد: بس هاذي دراستها
كايد:مابيها تدرس !
ام كايد:كااايد لك القدره انك تتحكم بكل شي بس البنت مو لعبه بيدك تسوي فيها الي تبيه
كايد:اتمنى انك توصلين لها فكره أنها لو فكرت بيوم من الايام أنها تكسر كلمتي أو تفكر مجرد تفكير تخالف أمر من اوامري تعرف انها راح تعيش اسوء ايام حياتها
ام كايد:كااايد!!!
كايد بصراخ :الله ياخذ كايد خلاص يما ترا وصلت معي من هالموضوع لأحد يفتحه معي مره ثانيه
سكت لثواني و اخذ نفس عميق و زفره و قال :تصبحين على خير يما
صدت ام كايد و هي تروح متوجه لغرفتها شد كايد على مقبض الباب و صفق الباب بقوه و ماهي إلا ثواني و سمع صوت الجد فهد :كسر يكسر يدك من ولد بشويش على الباب
كايد مسك رأسه وهو يحاول يتمالك نفسه و يهدي نفسه يحس بكميه غضب مو طبيعي اخذ نفس عميق و زفره بقوه يخمد نيران الغضب الي بصدره
______
سكب ثاني يوم تحديدا الساعه ١٢ الظهر في بيت الجد فهد كانو أهل ابو كايد و أهل ابو نور متجمعين في الجلسه الخارجيه لبيت الجد فهد
التفت الجد فهد على ابو نور و قال :ها يا ناصر
ابو نور:أمرني ياعم
الجد فهد:كلمت بنتك
ابو نور :اي كلمتها
ابو كايد:ابيه و وش قالت لك
ابو نور:ماعطتني جواب صريح بس من أسلوبها واضح انها تحاول تقنع نفسها بالامر الواقع
الجد فهد:اي كويس
ابو كايد:ما تشرطت من شروطها السخيفه عرس و قاعه و فرحه
ابو نور:لا لا نور ما عندها مشلكه حتى لو تطلع من بيتي لبيت زوجها علطول بدون عرس ولا غيره
الجد فهد :و جامعتها ؟
ابو نور:والله يا عمي انا اشوف انو هاذي الاشياء المفروض كايد و نور يتفقون عليها بينهم و بين بعضهم
ابو كايد :صح كلام ناصر
الجد فهد:على خير ان شاء الله
لتفت الجد فهد وهو يقول :يااا ايمااان!!
فزت العمه ايمان و طلعت بسرعه من المطبخ و قالت بربكه :سم يبا
الجد فهد:الساعه صارت ١٢ ما جهز غداكم
العمه ايمان:ءء..
قاطعتها الجده اعتدال :معليه يافهد و بعدين كايد و بهاء شوي و يرجعون من دوامهم نتغدا مره وحده
الجد فهد:يلا يلا اخلصو علينا
التفت الجده اعتدال على العمه ايمان و قالت:يلا يابنتي روحي كملي شغلتس
العمه ايمان:ابشري يما
و راحت بسرعه للمطبخ تكمل شغل مع ام كايد
____________________________________
في وقت الغدا اجتمعوا بنات و عيال ابو كايد و بنات و عيال ابو نور بالاضافه الى الجد فهد و الجده اعتدال على السفره و توهم جلسو على السفره و التفتو كلهم لما سمعو صوت كايد الرخم يقول :السلام عليكم
الجميع بصوت واحد :وعليكم السلام
تقدم كايد وهو يحط أغراضه مفتاح سيارته و جواله
الجد فهد وهو يناظر بكايد :تعال تغدا
كايد:يلا بس بروح اغسل يديني
و راح كايد و رجع و جلس جنب أبوه و اخوانه و رفع رأسه و عقد حواجبه بغضب لما شاف نور بالسفره المقابله الي كانت سفره الحريم بس كانت نور مقابل كايد و اخوانه بهاء و حسين و كانت كعادتها بعبايتهاا الموف الفاتح و طرحتها الموف الغامق الي تغطي نصف شعرها البني صد كايد وهو ينزل نظراته على الغدا و يحاول يشغل نفسه عن نور وهو كان معصب ليش قاعده بهذه الشكل قدام اخوانه و أبوه و بالنسبه لنور ماكانت منتبه له و بالعكس كانت تسمع لسوالف الجده اعتدال الي كانت تسولف لهم سوالف تضحك رص كايد  على أسنانه بقوهه لما سمع نور تضحك بصوت عالي و تحاول تكتم ضحكتها بيدها رفع نظراته لها بحده و تنحنح و انتبهت نور لكايد الي ناظرها و عيونه تطلع شرار
رفعت نور حاجبها وهي تأشر لكايد بمعنى (خير سلامات)
كايد احتدت نظراته اخر وهو يتوعد بنور بداخله
___
لما اكتفت نور  من الغدا قامت نور و راحت متوجه للمغاسل تبي تغسل يدها و ماهي إلا ثواني و قام كايد و راح متوجه للمغاسل
كايد بحده :نور!!
فزت نور و قالت :وجع !!
كايد:يوجعتس
نور:خير
كايد:غطي شعرتس
نور:نعم!؟
كايد:غطي شعرتس احسن لتس
نور:بصفتك مين أن شاء الله
تقدم كايد بسرعه وهو يحشر نور على المغسله قال:بصفتي زوجتس اقولتس غطي شعرتس!!
فزت نور بخوف من قرب كايد منها ارتكزت يدين نور على صدر كايد و قالت :طيب طيب بعد عني
ابتسم كايد بداخله لما حس بخوف نور منه قرب لها اكثر و قال:غطي شعرتس
نور سحبت طرحتها على قدام و خطت شعرها كامل
ابتسم كايد وهو يمسك طرف طرحتها و يممر حول رقبتها  ينزل. جزء من الطرحه على كتوف نور رفع كايد نظراته لنور و شافها خايفه و متوتره من قربه لها
كايد:شفيتس
نور:م.م.مافيني شي
كايد:متاكده؟
نور:اييه بس اختنقت بعد عني
كايد قرب وجهه باذن نور و قال بنبره صوت مخيفه : بتشوفين الاشين بعد الزواج
ارتعش جسم نور و ماهي إلا ثواني و بعد كايد عن نور وهو يضحك و يقول :في احلامتس طبعا
و صد كايد و راح تارك نور الي كانت ترجف بخوفف من صوت كايد و طوله و عرضه و فرق الحجم بينها و بين كايد كان مرعععب جدا و مخيف قاطع نور صوت سعد الي كان ينادي :نويرر
نور:هاا!
سعد:هاذي الملزمه الي طلبيتها
نور اخذت الملزمه :ثنيكو
سعد:ويلكم
راح سعد و اخذت نور الملزمه و راحت متوجهه الى داخل بيت الجد فهد  التفت وهي تاخذ نفس عميق و توقف قدام المرايا
نور:اسمع يا كايد هاذي ملزمه فيها أكثر من 50 شرط ابيك تقرأها و تفهمها كويس و تطبقها لانو على هاذي الشروط راح نعيش بعد الزواج....
سكتت نور لثواني وهي تناظر الملزمه الي بيدها و قالت :لا لا ما ينفع
و رجعت التفت على المرايا و قالت :كايد! امسك هاذي الملزمه اقراها كويس و افهم كل سطر فيها لانو...
سكتت لثواني و قالت :نور مو من جدك خلاااص اففف
رمت نور الملزمه على الكنبه
و راحت متوجه للباب كانت تبي تروح الحمام بس انصدمت بمجرد أنها فتحت الباب انصدمت بـ بهاء الي طلع بوجهها بدون سابق انذار فز بهاء وهو يصد بقوه بهاء:المعذره يا بنت العمه
نور سكرت الباب مره ثانيه و تكلمت من ورا الباب :معذور يا بهاء....ممكن تنادي لي كايد شوي
بهاء وهو ياشر على خشمه : على ذا الخشم
و راح بهاء متوجه الى الجلسه الخارجيه و شاف كايد يقهوي الجد فهد و بمجرد انو كايد جلس راح له بهاء و همس :في وحده تبيك
التفت كايد على بهاء بقوه و قال :ايش!!
بهاء: لمياء بالصاله داخل تبيك
كايد:طيب
و مجرد ما قام كايد تقدم بهاء و جلس مكانه راح كايد متوجه الى الصاله و هو ينادي: لمياااء
و دخل الصاله و وقف مكانه بصدمه لما شاف نور تنزل العبايه من على كتوفها و بانت تضاريس جسمها الي كان مثالي مفاتنها البارزه و بطنها الممسوح و خصرها المنحوت و شاف شعرها البني الطويل الي انسدل على ظهرها كامل
كايد وقف وهو يتأمل نور بس لا يقول ولا كلمه
التفت نور و ابتسمت وهي تمسك الملزمه و تتقدم لكايد و قالت :تفضل
كايد وهو ما قدر يشيل عينه عن نور قال :ايش هذه
نور:هاذي ملزمه فيها شروطي لبعد الزواج
كايد مسك الملزمه و نور تركتها و راحت متوجه للكنب و اخذت الربطه وهي تحطها بين منطوقها و ترفع شعرها الطويل بيدها الاثنين
كايد فتح الملزمه و قرأ
كايد : الشرط الاول ترك مسافه بين الطرفين
الشرط الثاني.. لي السرير و لك الكنبه ؟؟
نور و الربطه بين شفايفها:امم نممم
تقدم كان وهو يقرب لنور و يسحب الربطه من بين منطوقها :تكلمي!
نور:وين بنام مثلا
كايد:وانا ما اعرف انام الا على مرتبه مريحه
نور:مشكلتك
كايد:ارفض هالشرط
نور:نعمم!!
كايد:أنا أرفض هذه الشرط
نور:كايد !!
كايد ما رد و كمل وهو يقرأ
كايد:الشرط الثالث....الزواج على ورق
نور:و شيل فكره الضنا من بالك
كايد:و اذا ابوي يبي حفيد
نور:يزوج واحد من عياله انا شدخلني
كايد:لا بالله !!! الحفيد البكر من الولد البكر غير !
نور:الزواج على ورق و لا تفكر بيوم انك راح تقرب علي أو تلمسني
كايد قرب و نور صارت قدامه بالظبط و راسها قريب من صدر كايد الي قال :مو على كيفتس
نور دفت كايد و قالت:اقراء الشرط الاول مره ثانيه
كايد:الشرط الاول....ترك مسافه بين الطرفين
نور:وين المسافه ؟
كايد رجع بخطوات بسيطة على ورا
و اخذ نفس عميق وهو يكمل قراء
الشرط الرابع...تنظيم موعد نهايه عملك لكي يكون بنفس توقيت نهايه دوام الجامعة
نور:و بشكل يومي طول الاسبوع ماعاد جمعه و سبت ويكند 
كايد:مين قالتس انتس بتكملين دراستس
نور:وش تقصد
كايد:راح تسكنين هنا بالديره
نور:تمزح! كايد و جامعتي
كايد:اطلعي منها
نور:لا بالله لعبه اهي
كايد:ترا انتي بتكونين تحت اسم زوجه كايد ال جراح وش تبي أهل الديره يقولون عننا شوفو زوجه كايد ال جراح بالجامعه و كل يوم رايحه جايه من الرياض
نور:واحنا وش علينا من الناس
كايد:قلت لك مافي جامعه يعني مافي جامعه انتهى النقاش
نور:في احلامك بكمل جامعه و بدرس و بتخرج بعد
كايد وهو يسكر الملزمه :طموحتس حلو ناويه تتخرجين بعد.....المهم انا مو فاضي لك و لتفاهتك هاذي
نور:طيب بس خلي الملزمه عندك ترا تحتاجها بعد الزواج
كايد: على خير ان شاء الله
اخذت نور نفس عميق و هي تلبس عبايتها و تحط طرحتها على شعرها
كايد: نور!!
نور:ايش
كايد:شعرتس
نور:افتح الملزمه و اقرا الشرط الثالث عشر 
كايد :ما بفتح شي !!
نور: على راحتك و مالك دخل بعباتي
كايد بغضب:غطي شعرتس
نور:مابي
كايد عقد حواجبه بغضب و تقدم لنور بحده و قال :اسمعي الكلام احسن لتس
نور قالت:كايد الشرط الاول ...ترك مسافه بين الطرفين
كايد وهو يبي يستفزها :ما توقعت انتس جبانه زي كذا
نور: أنا جبانه!!!
كايد: ايه و تخافين مني لو ما تخافين ماراح تشرطي هالشي
نور تقدمت وهي تقرب من كايد:مين الي تخاف ؟؟
كايد انحنى بظهره و تساوى بطول نور و قال :انتي يا جبانه
نور بغضب مسكت باقه بدله كايد و قربت كايد لها و صار وجهها مقابل وجه كايد و قالت :انا مو جبانه
كايد مسك يد نور وهو يبعدها و قال :لا تحاولين ياجبانه
نور انفعلت و قالت : انت الجبان و السخيف أنا مو جبانه
كايد بغضب :أنا سخيف !!!
نور بثبات :ايه
كايد نظرات حاده بدأ يتقدم لنور الي حست بتوتر من نظرات كايد و رجعت ورا شوي و كايد بدا يقرب لها و نور ترجع بخواتها و وصلت للجدار و كايد قدامها بالضبط ارتكزت يد نور على صدر كايد و قالت:ك.ك.كايد
كايد ما در و كان يقرب لنور و مرر كايد يده الضخمه حول خصر نور و شدها عليه و التصق جسم نور الناعم  بجسم كايد الخشن الضخم رفعت نور نظراتها لكايد و بلعت ريقها بتوتر و فجأة كايد قرب وجهه لـ إذن نور و نور غمضت عيونها بتوتر و فجأة سمعت كايد يقول بأذنها:صدقتي الحين انتس جبانه
فتحت نور عيونها و دفت كايد بغضب و قالت :ترا اذا خالفت شرط من الشروط راح يكون فيه عقاب
كايد: و وش عقابتس الحالي
نور: قدمت طرحتها على قدام و غطت شعرها و سكرت عبايتها و  قالت:بتعرف بنفسك
انتهى البارت الرابع