نور الظُلماتِ

"بارت17"

"نور الظُلماتِ"

"بقلم: نوره علي"

"لا تنسون التصويت+التعليق"
.............................

تجمدت بمكاني لا اگدر اتحرك ولا اگدر اصرخ ولا اسوي اي شيء گلبي احسه يتگطع تگطع اريد اروح وما اگدر احس فصلت مدا استوعب شنو يصير

بلحظه وحده تحول الضحك الى صراخ وبچي باوعت باتجاهم شفتهم ثنينهم مدمايين بدلة اسينات البيضه صايره حمره من الدم

التمو عليهم كُلهم واني مدا اگدر اتحرك حسيت روحي نسحبت وشخص حضني

رفعت راسي شفته اسد عيونه ماليهم الخوف يحرك بيه يريدني احچي اسوي أي شيء بس اني مدا اگدر احچي

اسد: قمريي ولچ قمري روحي راحت شمالچ حاچيني لا توجعين گلبي

واني هادئه بس دموعي تنزل مدا اگدر احچي او اتحرك هوَ لمن شافني هيچ تخبل يصيح عليه يضرب بخدي ؏ كيف يريدني اسوي أي ردة فعل بس اني ساكنه بمكاني

لحد ما حسيت عيوني بدأت تغوش واصواتهم صارت بعيده صوت الأسعاف سياراة الشرطه صوت اسد وهوَ يعيط باسمي صياح بچي هوسه

اخر شيء استسلمت وحاوطني الظلام
.........................................
مرام

كلنه ركضنه بخوف نشوفهم گعدت بيبي بنصهم تعيط وتلطم

الشيخه: ولكمم يمةةة ابنييي راح ابنييي يمةة

رجف جسمي بخوف وقلة حيله ملتمين عليهم ونبچي

تقرب دمار عيونه حمر ويعيط

دمار: ؏ شنووو صافنيننن تحركوو خلي ناخذهم للمستشفى

دقايق وأجت الاسعاف وسياراة الشرطه

اخذوهم بـ الاسعاف وكل واحد ركب سيارته وطلع وراهم

دورت بعيوني اريد اشوف شهد قمر أي وحده منهن ماكو

لهناك ولمحت اسد حاضن قمر الي لا تحرك لا ايد ولا رجل وهوَ حاضنها ودموعه تنزل

ركضتلهم بخوف اريد اشوف شكو تقربت يمَ ارجف

مرام: اسدد شبيهاا قمرر شبيهاا

باوعلي عيونه حمر وهمس بغصه

اسد: ما ادري ما ادري شافت الحادث وضلت صافنه ما تحچي حاولت اصحيها ما تصحه ولا تحاچيني

يحچي ويرجف خايف عليها بلعت ريگي بصعوبه واردفت

مرام: گوم اسدد گوم ناخذها للمستشفى لا يصير بيها شيء

فتح عيونه بصدمه وهز راسه بـ لا اكثر من مرا

اسد: لا لا لا ما تعوفنيي لاا هسه تصحى هسه

شالها وركض بيها للسيارة صعدت ورا وخلاها بحضني وراح يسوق بخبالل بچيت بخوف واردفت

مرام: اسدد ؏ كيفك راح نندعم