نور الظُلماتِ
لاتنسون التصويت+ التعليق
................................
قمر
انصدمنه من منظرها تبجي بقوه وتعيط ساعدوني أردف جدو
الشيخ: بويه ع كيفچ اهدي شني صاير وياچ؟
البنيه: ي يردون يكتلوني الله يخليكم ساعدوني
ابو دمار: منو يريد يكتلچ وليش؟
دنگت راسها وما ردت
الشيخ: گومن بويه انطنها ملابس وغسللهه خلي ترتاح وبعدين نفهم السالفه
البنيه: ب بس خاف يجون هنا وياخذوني
گالت هيچ وبجت باوعلها جدو وأردف
الشيخ: دامچ صرتي ببيت الشيخ علي بعد محد يطخچ
باوعت المرام بأستغراب وهمست
قمر: منو الشيخ علي؟
هزت ايدها وأردفت
مرام: هنيالي چا ما تعرفين اسم جدچ؟
قمر: يا يعني جدو اسمه علوشش
ضحكت مرام ب الختله وجدو أشرلنه نروح يم البنيه رحنه يمها اني ومرام وشهد
قمر: گومي حبيبتي
گومناها وهيَ تبجي بقوه اخذناها فوگ لغرفة مرام انطتها شهد ملابس وهيَ بكُل هدوء دخلت للحمام تسبح واحنه ضلينه نسولف
قمر: يعني هسه جدو اسمه علوش
مرام: هههههه اي اسمه علوش
قمر: والباقين شنو اسمهم؟
مرام: امچ اسمها زينب وابوچ اسمه عماد وامي اسمها أيلاف وابوي اسمه حسن وابو مهيمن اسمه سيف وأم مهيمن اسمها دعاء وبيبي اسمها سميره
شهد: ههههههههههههه خرطتلچ اسماء العشيره كلها
قمر: هههههههه اي احسن حتى اعرفهم
سكتنه لمن انفتح باب الحمام وطلعت البنيه عيونها حمر من البجي بس ما شاء الله عليها تخبل ايه من الجمال بس الضرب مشوه وجها شفتها مجروحه وجوه عينها صاير ازرگ انقهرت عليها حيل گعدت ب الگاع وصفنت
قمر: تعالي حبيبتي تگدرين تحجين سالفتچ لو تعبانه؟
هزت راسها وتنهدت
البنيه: لا عادي خلي اسولفلكم قابل تبقون بنيه غريبه ما تعرفون عنها شيء ببيتكم
مرام: شنو هذا الحچي انتِ صرتي من عدنا ما دام احتميتي بينه
ابتسمت وأجت يمنه وبدأت تسولف
البنيه: اسمي اسينات عمري 24 سنه انه بنيه من عائله اهم شيء عدهم العادات والتقاليد وعدهم اذا لبنيه غلطت تصير عار عليهم ولازم يغسلون عارهم جنت طول عمري ببيت اهلي أطبخ انضف هيچ مخلصه حياتي لا طلعه ولا دراسه بس وصلت للسادس ابتدائي بطلوني رغم جنت شاطره حيل المهم جان ابن عمتي يحبني ورايدني وكل ما يجينه يتحرش بيه ضجت من تصرفاته وگمت اذا يجي ما اطلع ابد وبمره من المرات جنت بغرفتي وهوَ عدنه ابد ابد ما طلعت لأن أدري بسوالفه المهم جاي امشط وانفتح الباب عبالي اختي لو امي ما اهتميت ولمن درت انصدمت جان ابن عمتي نفسه واگف يباوعلي ومبتسم خفت من نظراته عطت بي حتى يروح بس ما قبل وضل يتقرب يمي عطت بقوه وما احس غير اندفر الباب ودخلوا ابوي واخواني ابن عمتي بس شافهم عاط هيَ صاحتلي انصدمت من جذبه وحتى ما لحگت أدافع عن نفسي بسرعه اجوني وبدو يضربون بيه ويغلطون عليه حاولت أدافع عن نفسي بس ما قبلوا يسمعوني بعد ما شبعوني كتل عافوني وطلعوا ضليت هيچ مشموره بمكاني والدم ينزل من كل مكان وره فتره طويله حيل انفتح الباب ع كيف ودخلت اختي بس شافتني شهگت وتقربت يمي وهيَ تبجي ع حالتي مسحت دموعها وهمست
YOU ARE READING
نور الظُلماتِ
Romanceهيَ نورً للظُلماتِ وقمرً مُضيءًُ في اليلِ ملاك بريئ ونسمه جميلة هيَ حسناءًُ رقيقه چذابه مُثيرة وقوية تتعرض للضرب والتحرُش حتَ تتغيرحياتُها في يوم وليله وتظهر عائلتُها ألتي أفتقدتها منذ أن كان عُمرها 5سنوات وتذهب معهم هل ستعيش بسلام وراحه أم سوف تواج...
