هزيت راسي ودنكت
سلام : طلعي الجهاز شوفي
فتحت الكارتونة وطلعت الجهاز حلو شغلتة جانت موجودة صورتة بالملابس السود رفعت راسي علية من شافني حك حاجبة
سلام : احم واني يم الولد كال شنو تخلي خلفية كلتلة يحط هاي انتي اذا تردين غيريها خلي التعجبج
ابتسمت بوجهة
شيار : لا حلوة خليها
ابتسم وافتر كعد بصفي على الجرباية وجر الرياضيات
سلام : اي بيمن بلشتي تقرين
شيار : ما اعرف بعدني محتارة جنت اخطط بالدفاتر
سلام : بلشي بالرياضيات اول شي لان صعب
شيار : ماشي بس مو هواي اعرف بالرياضيات
سلام : اني اشرحلج جيبي ورقة وقلم وافتحي عقلج زين
هزيت راسي وجريت دفتر والقلم
شيار : هذا دفتر الرياضيات
صار يشرحيلي واني اكتب
سلام : ها هسة عرفتي شلون
شيار : اي اي وهم هذا الموضوع ماخذي بالخامس وانت هسة شرحتة ذكرتني بي حفظته زينن عاشت ايدك عموو
سلام : عفيج عليج وهسة يلا نامي تأخر الوقت
شيار : ماشي تصبح على خير عمو
وسلام : وانتي الخير بنيتي
جر راسي باسة وطلع وسد الباب ورا ابتسمت وشمرت الكتب من الجرباية عدلت الفراش وتمددت بقيت ارفس بمكاني ما اعرف شبية جريت المخدة حضنتها ونمت
كعدت الصبح على دكة الجهاز جريته وجاوبت بدون ما اشوف منو
شيار : الوو
سلام : صباح الخير
طفرت بسرعة من الفراش
شيار : صـ صباح النور عمو
سلام : شنو جنتي نايمة ؟
شيار : لا لا كاعدة
سلام : لا واضح كاعدة كومي بسرعة اتريكي واكعدي اقري الساعة بالوحدة الظهر
شيار : شنوووو بالوحدة
رفعت راسي على الساعة بالوحدة وربع
سلام : هنيالي اي والله هنيالي
شيار : ما ادري اخذتني نومة هسة اسوي الغدة بسرعة انت شوكت تجي
سلام : ههههه انه بغداد بابا مو البارحة كتلج
شيار : هاا ما ادري نسيت شوكت وصلت ؟
سلام : بالعشرة الصبح
شيار : الحمد الله على السلامه عمو
سلام : الله يسلمج بنيتي يلا كومي تريكي واكعدي اقري
شيار : ماشي
سلام : ديري بالج على نفسج ومنو يدك الباب لا تحجين ولا تفتحين الباب مفهوم
شيار : صار
VOCÊ ESTÁ LENDO
ما وراء الأبواب
Ficção Geralما وراء الابواب يا ترى ؟! خلف كُل بابّ حكايةّ لا يعلمَ بها أحد غيرهم ولكن حان الوقت لنكشفُ ما وراء الابواب ...
part_48_
Começar do início
