رجعت حضنته
شيار : همزين اجيت
سلام : كومي سويلي اكل جوعان كلشي مماكل
شيار : من عيوني هسة اسويلك
طفرت اركض للمطبخ طلعت بتيتة وطماطة
كليت طاوة طماطة وبتيتة شيفت على صفحة
طماطه وخيار وعندي طرشي طلعت
حميت الصمون وسويت جاي جديد حظرت الصينية والاستكاين شلت القوري خليته بالصينية
وشلت الصينية ومشيت للصالة طلع من الغرفة
يعدل بياخة التراك
شيار : سويتلك بتيتة وطماطة
سلام : عاشت ايدج بهذيج الجنطة اكل طلعي لا يخرب
رحت جريت الجنطة خليته يمه وفتحتها جانت متروسة اكل بيت اتوقع كلة مسلفن كبة وكليجة وكيك حتى كباب بيت
شيار : هذا اكل بيت ؟
سلام : اي امي ومرت اخوي حظروليا الفجر خطية لان خبصتهم اريد ارجع
شيار : فدوة الرب يحفظهم
سلام : ويحفظج بنيتي تعاي اكلي
ادنيتي بصفة وكعدت اكل وكل شوي اباوعلة فرحانة لان رجع
سلام : كافي تباوعيلي وشاركة الحلك
شيار : شنو شاركة الحلك ؟
سلام : يعنى حلوة صدك تعاي البارحة شقريتي ما قريتي ؟؟
شيار : رجعت عدت الشرح مال الرياضيات وباليوتيوب طلعت غير استاذ يشرح بس اثول ما يعرف يشرح
سلام : هااا
شيار : اي كمل اكل واشرحلي
سلام : اي انتي تامرين أمر شنو رائيج اتقاعد واكعد ادرسج هم ؟
شيار : بعد احسن
سلام : اكلي شيار لا احط راسج بطاوة الطماطة
هزيت راسي ودنكت اكل خلصنه شلت الصينبه رحت غسلتها ورجعت جان مخلي الجكارة بحلكة ولازم بأيدة كتاب الرياضيات رفع راسة أشرلي اروح اكعد بصفة
رحت كعدت وهو نزل الكتاب
سلام : تعاي اكملج الباقي حتى العصر اطلع الدوامي
هزيت راسي وهو صار يشرحلي موضوع موضوع
اني شوي انتبه علية من يشوح شوي انتبه على من يحجي ويتحرك والجكارة بأيدة التفت علية رافع حاجبة ويباوعلي
سلام : ها افتهمتي ؟
شيار : ها اي اي افتهمت
سلام : اكص ايدي اذا افتهمتي
شيار : شسالفة عمو افتهمت كلشي
سلام : يلا جا عيديلي شرح هاي
شيار : ها
بسرعة كفخني على راسي
سلام : هذا النعال النايم هنا شغلي راح ارجع اعيد اخر مرة دخيل محمد اذا ما فهمتي اشيلج واشمرج من البلكونة افتهمتييييي
أنت تقرأ
ما وراء الأبواب
General Fictionچـنت اظنك چـنت اظنك توگـــــــــف ابوجه الوكت واتنشف الدمعه ابجفنها وا چـنت اظنك بالمحبه الفاجده اوحنت لابنها ثاري ســــــچـينه خواصر
part_48_
ابدأ من البداية
