الجميلة والسايكوباثِ ( الجزء الثاني )

دامِس ( 27 )

ابيجيل : انكسر الباب وحسيت بالأمان من شفت الحر والشاهين ..

ركض الحر على دامِس والشاهين اجة شالني ..

حضنتة وأني ميتة رعب .. ابجي وشهكتي شهكت گلبي .. انرعبت أكثر من سمعت صوتة يصيح بصوت مليئ بالكسرة والحزن ..

دامِس : لجج تعاييييي .. لا تعوفينيي تعاييي ارجوانتيييي لاا تعوفينيي

ابيجيل : حضنت الشاهين بخوف وكلت ..

- حبابب لا توديني الةة حباببب

الشاهين : لاا ما اخذجج .. اهدئي حبيبتي .. اهدئي

ابيجيل : ما حسيت على شي .. وما أعرف شلون اغمى علية ..

فزيت وأني مرعوبة .. عبالي بعدني يم دامِس .. ما هدئت غير من شفت الحر ويامن .. ودامس مو يمي ..

ما بية حيل حتى احجي .. مهبوطة ما أدري تمرضت ما أعرف .. ما بينت الهم كعدت لأن تعبانة وما أريد أي بشر يحجي وياي ..

فز الحر وما لحكت اغمض عيوني .. اجى يمي وقبل لا يحجي كلت ..

ابيجيل : أريد ابقى وحدي ..

انصدمت من صوتي إلي بالكوة كدرت احجي .. مبحوح كلش .. فعلاً عافني وطلع ويامن نايم ..

مر وقت وأني أفكر بالصار ..

ما أعرف صكح أو غلط ؟ .. حقة لو مو حقة ؟ .. زين راح اصير زوجتة بعد لو لا ؟ .. والسؤال إلي راح يخبلني .. ليش عافني ؟؟

الحمدلله أنو عافني لكن دامِس ؟؟

حفظتة دامِس .. حفظتة حفظ كلش .. عافني لأن ببالة خطة بديلة ! .. عرفت خطتة .. وعرفت نيتة ..

من أجة وجان متعصب وبعدها صار هادئ !! هاذ معناها جان بـ نية .. ومن شافني فكر زين وصارتلة نية ثانية .. وهسة الله يعلم شنو من نية جديدة احتلت عقلة ..

خفت حيل .. الرعب احتل گلبي ..

طفرت من مكاني وأني خايفة .. رحت ردت أكعد يامن بس تذكرت لبسي .. رحت فتحت الكنتور وطلعت من ملابس الحر شي طويل .. ولبستة ورحت وأني بالكوة أجر النفس وابجي ..

كعدت يامن وفز مرعوب ..

يامن : إسم الله .. شبيجج

ابيجيل : حباببب يامنننن .. خليناا نشردد تعايي خليناا نشرددد ..

ضليت ادك والطم ..