فاروق : هذا المحبس المزنجر منيلج
روح : مسدت على البزون وحجيت .. مال خطوبتي .. رفع حاجبه مستهزاء
فاروق : ليش كدر يشيل ايده ويلبسج محبس
روح : عقدت حاجبي باستغراب .. ليش شمدريك ايده مكسوره !
فاروق : نجاة كالت
روح : نجاة مضم حجايه .. لزم ايدي وطلع المحبس منها راح من الجهه الثانيه وفتح الشباك وشمره
_ هاااااي شنو شسووووويت انت جيب المحبس ججذاب ما شمرته مووو
فاروق : نزلي شوفي بيا مجره وكع
روح : انت شبيك وياي ليششش هيج اسوي المحبس ذهب وغالي اني راح ابتلي بي لان ضيعته .. انهضمت من تصرفه لزمت دموعي وحجيت بعصبيه ..
_ كلما تشوووفني تأذيني وضوجني وتحرك كلبي اخر شي تعمدت حتى الجاي شمرته عليه ليش هيج فهمنيييي
فاروق : اتونس بيج
روح : احجي عدل .. تقرب خطوه مني وصار وجهه احمر كال بعصبيه
فاروق : انتي شتردين
روح شريد يعني ترا انت الجايبني ولزمتك هاي الي مراح اسكت عليها اني مو بت ليل لو سندس كدامك حتى تعاملني هيج اني مو وحده من التعرفهن وتضحك عليها
فاروق : عمري كله ما ضاحك على وحده ياهو التجيني برجليها
روح : ميهمني اعرف شي عنك افتح الباب اريد اطلع
فاروق : كعدي
روح : ما اكعدد .. زمخ بيه بعصبيه خفت من اسلوبه كعدت بالكاع مجتفه
فاروق : ضايجه ع الحلقه
روح : اي
فاروق : اجيبلج اغاتها
روح : فاروق اني عندي اهل انت ليش متفكر قبل لتصرف .. انت خوش رجال وساعدتني وشلت التهمه بدالي وكثر الله خيرك واني مديونه الك اليوم الدين
فاروق : فكي دينج
روح : اي شي تريده واني اكدر عليه ما اقصر بعيني
فاروق : اخذيني
روح : هزيت راسي مثل الثوله .. وين اخذك
فاروق : روح حالي تعبان منين ما اندار تتراويلي
روح : فكيت حلكي .. وبقيت صافنه حسيت وجهي جمر .. اقترب مني وتحسس معصم ايدي سحبتها خليتها ورا ضهري
فاروق : لج كلما اطوي صفحتج ارجع اقراها
روح : حجيت بهدوء .. انت متناسبني اني وياك منتراهم لا انت من ثوبي ولا اني من ثوبك
فاروق : افصل ثوبي مثل شلون ما يحب كلبج
روح : تشوشت صرت اغمض وافتح بطئ اريد استوعب .. حجيت بصوت متقطع .. فات فات الاوان بعد
STAI LEGGENDO
على قمة الحكيم ( الجزء الثاني )
Storie d'amoreمعشر أمسكت حلومهم الأر ض وكادت لولاهم أن تميدا فإذا الجدب جاء كانوا غيوثا وإذا النقع ثار ثاروا أسوداً تتبع الهوى روحي في مسالكه حتى جرى الحب مجرى الروح في الجسد.
البارت السادس عشر
Comincia dall'inizio
