*အဲ့...အဲ့လိုတော့ မလုပ်နဲ့လေ Ben ရယ်။ Mickey လည်း သူဌေးက မပြောခိုင်းလို့ မပြောရတာပါ။ ဒီမှာ လူတွေ အများကြီးကို ပြ...ပြသာနာတော့ မရှာပါနဲ့နော် *
Mickey ၏ အပြောကြောင့် Ben အခန်း တစ်ခုလုံးအား ဝေ့ကြည့်လိုက်တော့ အဝမှာ ကြိတ်တိုးပြောဆိုနေသည့် သူတို့အား သတိထားကာ ကြည့်နေကြသည်မို့ Ben ထပ်ပြီး ရပ်နေဖို့ မသင့်တော်တော့တာမို့ သူ့အား မချေမငံကြည့်လာသည့် လက်တောက်လောက်သာသာ ကောင်အား စာရင်းထဲ မထည့်ထားသည့် အထာနှင့် ဝင်လာကာ သူနဲ့ သိနေပြီးသားဖြစ်သည့် MC အစ်ကို၏ ဘေး၌ ဝင်ထိုင်လိုက်တော့သည်။
*မင်းလာတာ ကောင်းတယ် Ben ရေ။ ငါတို့ PD ကြီးတော့ rating တက်တော့မှာမို့ ပျော်နေလေရဲ့ *
သဘောကောင်းသည့် စီနီယာအစ်ကို၏ အပြောကြောင့် Ben အသာပြုံးလိုက်လေသည်။ ထို့နောက် လက်နှစ်ဖက်ကို လက်အုပ်ချီသလိုပူးကာ ရွှတ်နောက်နောက်နှင့် ပြောလိုက်လေသည်။
*ရိုက်ကူးရေးလုပ်နေရင်လည်း ကျွန်တော့်ကို မမေ့ထားဖို့ ဒီက စီနီယာကိုပဲ တောင်းဆိုပါတယ်ဗျာ *
*ဟား ဟား! မင်းကတော့ လုပ်ပြီကွာ *
သူဟာ သူ့အား အချိုးမပြေ လာဆက်ဆံသူများကိုသာ ပြသာနာရှာလေ့ရှိသော်လည်း သူ့အပေါ် ကောင်းသည့်သူများကိုဆို သူက တစ်လေးတစ်စားဆက်ဆံကာ စီနီယာကို စီနီယာမှန်း သိသည်။ ဂျူနီယာလေးတွေကိုလည်း လက်တွဲခေါ်သည်။ ထို့ကြောင့်သူဟာ အချို့လူတွေအတွက် ရိုက်ပေါက်လေးဆိုပေမယ့် ဒီလောကထဲမှာ သူ့အား လူချစ်လူခင်ပေါသည်မှာလည်း အမှန်ပင်ဖြစ်လေသည်။
*ဟက်! သူ့ကိုယ်သူ ဘာထင်နေလဲမသိဘူး !*
သူနှင့် ဘေးက စီနီယာများ အပေးအယူတည့်ကာ စကားပြောနေကြရင်းမှ မထိတထိစကား တစ်ခွန်းအား ကြားလိုက်ရသည့်အခါ သူတို့ သုံးယောက်လုံးဟာ ကြောင်အသွားကာ စကားသံထွက်လာသည့် ကောင်လေးထံ ဝိုင်းအုံကာ ကြည့်လိုက်မိလေသည်။
ထိုအခါမှ ထိုကောင်လေးဟာ အကြောင်ရိုက်ကာ သူ၏ လက်ထဲမှ ဖုန်းအား ထောင်ပြကာ အရိုးသားဆုံး ရယ်ပြလာလေသည်။