الراجس "وهج الانتقام"
بقلم: آريناس
______________
طلعت اركض من البيت اروح البيت عمق لان ما اندل المركز دكيت الباب هواي محد فتح رحت اركض للشارع العام ادور تكسي شفته هوَ و دراجته واكف يم
بيت و كدامه ولد يحجي وياه انتبه علي اباوعله درت وجهي ادور على اي احد يوصلني للمركز بهل الاثناء
وكفت يمي سياره مضلله نزل الجامه شفت واحد ملثم_ امر خدمه ليش واكفه بلشارع بملابس المدرسه
غَرام: خويه ما تندل مركز.....
_اندله بس ليش تردين تروحيله
بعدني اريد اجاوب حسيت ايدي انجرت حيل لازمني و يمشي بسرعه بأتجاه دراجته وكفني يمه و راح لابو السياره حجه وياه و ذاك حرك سيارته
اجه بأتجاهي
الراجس: انتِ ثوله لو تستثولين ياهو الاجه يمج
تحجين وياه هسه لو صاعده وياه شعرفج ما
يطلع رجل عصاباتغَرام: والله انتَ شكلك مال عصابات مو هوَ حجيته و درت وجهي ادور احد اسئله اذا يندل المركز تعده رجال استوقفته
_عمو تندل مركز.....
_لا والله ما اندله
اجاني صوته من ورا
الراجس: شعندج تفترين بلمراكز
عفته و مشيت و ياهو اليصير بوجهي اسئله يدليني على الطريق لحد ما وصلت بعد ما طلعت روحيدخلت للمركز ادور على ابوي استقرت عيوني علي
محاوطينه مجموعه ضباط بس شافني اجاني ينتر
شسوين هنا و انه ساكته اعاين عيونه شوصله الهايالحاله اكو حلقه مفقوده لازم اكتشفه مو ابوي الي
يسوي هيج و يدخل هيج اماكنأيمن: هذا يا كو.. جابج هناا روحي طلعي انه احل السالفه اشر الواحد اجاله كله ياخذني للبيت و ذاك
ما صدك كبل اخذني تدفع من جتفي يريد يطلعنيطلعت و صار بوجهي الراجس و هذا حاط ايده
على جتفي و يدفع خزرني و حرك دراجتهوصلت قريب البيت جاي امشي و انسحب شعري
من ورا حسيته تشلع درت وجهي اشوف هذا يا ملطلط لكيته هو دفعت ايدهغَرام: انتَ شبيك ملطلط وين ما اروح اشوفك و بأي
حق تلزم شعريالراجس: و هوَ بأي حق يكضبج من جتفج هاا جاوبي
المسربته سحتي بيده كولي كولي لا تستحينعفته و مشيته للبيت شوي و احس انعصر جتفي حيل درت علي خزرته و دفعت ايده
الراجس: اذا تعرفين تدفعين ما دفعتي ايده لو بس براسي قويه
غَرام: اذا خلصت تمسلت تكدر تروح البيتك
فتحت باب البيت و دخلت لكيت امي وجه اصفر و لازمه التلفونبس شافتني اجتلي تركض
رياحنه: ها احجي ولج شبي ابوج ليش طلعتي بسرعه من البيت
ما ردت اخليه تقلق كلتله جنت ببيت عمق ما ادري بابوي نهيت وياها الحجي و صعدت الغرفتي
نتراسل انه و البنات حجيتلهن الي صار و نمتمر اسبوع و ابوي مختفي ما اله اثر و انه الاسبوع كله ما داومت خوف و قلق من الي جاي
جنت فاتحه مكالمه جماعيه ويه البنات يشرحلي الدروس الفايتتني سمعت جرس الباب يندك
سديت المكالمه و رحت فتحت الباب استغربت
بوجود جنطه سوده كلش جبيره بلبابفتحته و انصدم بوجود جثه ابوي مكطعه كل جزء بمكان من الجنطه وراسه ملزوك علي ورقه صرخت بفزع من سمعت طبه قويه صارت وراي التفت و اشوف امي طايحه بس عيونه فاتحتهن و ما تتنفس
احتاريت احتاريت شسوي رحت جبت ماي اذب على وجه امي اريده تصحى لزمت اطرافها لكيتهن دافيات تنفست براحه نقلته لغرفته ورجعت للجنطه
لبست جفوف و سحبت الورقه الجانت على الراس حتى ما تصير بصماتي عليه و ايدي كله ترجف
كله دم و ما اكدر اشوف شي من المكتوب خليته بجيس شفاف بغرفتي طلعت اركض البيت عمق
ماعندي احد اعرفه بلمنطقه غيرها فتحتلي الباب مفزوعه انه كلتله هيج و هيه ضلت تضحك عباله اشاقه سحبته من ايده و رجعت للبيت هيه بس شافت الجنطه صرخت بخوف و ضلت ترجف و تبجي بشكل هستيريغَرام: عمق انه جبتج تساعديني لو تموتين علي كافي الي بيه ضلي يم امي انه راح اتصل على الشرطه
راحت عمق يم امي رجعت للجنطه ادور خاف اكو شي لكيت علاكه سوده فتحته و انصدم بوجود
مجموعه مفاتيح سود و سجينتي الي هددت بيه
الراجس خليتهن كل وحده بجيس شفافو اتصلت على الشرطه على ما وصلوا و اخذوا الجثه و سألوني هواي اسئله و كالوا راح نشرحها بلطب العدلي انهاريت شيشرحون اذا هو كل جزء بمكان
سديت الباب بعد ماطلعوا و انه الراجس محتل تفكيري و كل اصابع الاتهام تتجه علي
رحت اشوف الكامرات كلهن عطلانات ما عدا وحده صغيره كلش جان ابوي مخليه بلزرع بحيث ما تبين
رجعت التسجيل على الوقت الدك الجرس بيسياره لونه احمر مضلله نزلوا اثنين منه حطوا الجثه
بلباب و راحوا كعدت اقارن اجسامهم بين جسم الراجس بحيث الي نزل من كدام ضخامته تنطي
للراجس ركزت على الاحذيه والادين اذا حاطين وشم
لابسين نفس الاحذيه و مغطين اديهنتعبت و ما لكيت شي رجعت على الاشياء الي لكيتهن
بلجنطه ركزت بلسجينه و طلعت صدك سجينتي
لان جنت مخليه عليه صبغ اظافر وردي من جوهحاولت اقرا الي بلورقه بس ما كدرت كله دم اذكرت التهديد الي انطانياه الراجس و المفتاح معقوله
هو الي كتل ابوي او بمساعده شخص بس ليش..؟يتبع....
YOU ARE READING
الراجس "وهج الانتقام"
Mystery / Thrillerتلك العينان التي تحدق بهدوء مخيف اوقدت نيران الانتقام عند تلك الشرسه التي تجاهد للانتقام بكيدها بعد خداعها بقلمي/ آريناس اللامي