روح : شوكت !
حمد : قبل اسبوع وماما كالت لا اني حاجيتها وموافقه
روح : بقيت صافنه يعني همه مخلصين كلشي ومتفقين والعروس اخر من يعلم
حمد : مديح مفتح محل مال طرشي ومتوضف
روح : يمكن يحط الخيار بجيبه يصير طرشي بدون كلشي
حمد : تصيرين مرت ابو الطرشي
روح : حضنت نفسي وكعدت مصدومه افكر بيني وبين نفسي وين جان هذا كله مضموملي
_ ثاني يوم المغرب خابرو بيت عمي محسن يريدون يجون حسيت كلبي انقبض .. كامت امي سوت عشة واني نظفت ولملمت البيت لحد ما دخلو
شمائل : راح نصير بيت واحد
روح : الله ليكولها
شمائل : ليش انتي متريدين مديح
روح : لا والله ما اريده ليش شناقصني واخذ اخوج روحي من يمي ما اريد اطلع قهري بيج انتي متستاهلين
شمائل : ندللج اني وامي
روح : ااااامج ادللني دلال امج .. انتبهت على امي تخوزر بيه سكتت وانطيتهم جاي بالسره
مديح : الله يعمر ايدج
روح : كشيت بوجهه وعبرته
_ اخذت ركن وكعدت بي حاطه ايدي على خدي
محسن : بويه خلي نبيع الكاع ونسوي مشروع الابو حمد يشوف رزقه
يعقوب : والله ياريت يابويه تسون عليه فضل ما انسى
روح : من كال هيج طخت بعقلي حتى يقنع ابويه بمديح اكثر واني يختفي دوري لان راح يشتري رضا بيعت الكاع
نوال : اذا بتك صارت عدنه هم المهر يفيدك
روح : عرفت بيها حجت هل حجايه حتى تهيني
سلوى : المهر الروح تجهز بي روحها ابوها ميلزم ربع بيده
نوال : ههههه يعني ابو روح يخلي بيدكم فلس طول عمرجن تشتغلن انتي وبتج وتخلن بيده
روح : مو عيب احسن ما اتوث نوم .. كزت ع سنونها وحجيت بعصبيه
نوال : سمعت تسوين روبه فديوم ضوكينه
روح : جيبولنه طرشي وننطيكم روبه .. حجيتها وضحكت
حمد : خاله جبهتج كامت تفتر على راسي
نوال : زعطوطه ماعليج عتب العتب ع الربوج
روح : امي كامت تعض بشفتها وتخوزر .. خلصو الجاي وطلعو غسلت المواعين وصعدت فوك اريد انام
_شفت الجهاز جايتني رساله من مالك كاتب
مالك : الطالبه المجتهده من غابت غاب السرور وياها
أنت تقرأ
على قمة الحكيم ( الجزء الثاني )
Romanceمعشر أمسكت حلومهم الأر ض وكادت لولاهم أن تميدا فإذا الجدب جاء كانوا غيوثا وإذا النقع ثار ثاروا أسوداً تتبع الهوى روحي في مسالكه حتى جرى الحب مجرى الروح في الجسد.
البارت الخامس عشر
ابدأ من البداية