" شرفٌ أم كرامة "
______
يالاه غايغوت دريس استفزو وهو يزرب عليه : بالعشبة ؟ ولا بارض فطريق الجبل ؟
ربيعة : ( قتـ*ـلها كلامو وحياها ) بنتنا ماكاتبااااعش اولاد الحرااام ( مشـات غاتجرها شدها دريس دفعها )
دريس : ( قرب ليه شاعل استفزو ) فين باغي توصل ؟؟
مراد حنا عينو كيشوف طه طلقليه يدو بمعنى تريس، عينيه على عينين دريس : دي بنتك لداركوم انا غانتزوج بيها بالعز وغانديها بخبار الريف كامل .
دريس : مانزوجش بنتي ليك برضايا على قبري
طه : سميتك لي غاتوسخ اسي التمسماني انا ماعندي منخسر
مراد : ( شاف فدريس وهو شاعل ) غانجيو نديو البنت من دارهوم مانضروكوم ماتضرونا
حكيم : مرتك لاباس عليها اسي الكباييرو ؟
هو قال هاكا مراد طار عليه تاشدو طه
مراد : الله انعل اصلك الـ**** ماشبعاتكش القرعة ديال عكاشة اولد ****
طه : ( شدو مزير عليه ) الواليد نعل الشيطان معانا العيالات ( شاف فحكيم ) ياك لاباس ؟ مشاتليك شي بنت ؟ ( دار شاف فربيعة ) خرجي بنتك .
ربيعة سرطات ريقها وجرات سميرة موراه ومشاو خرجو بلا مايزيدو دقيقة تم كيف تسد الباب وهو يشوف طه فحكيم بواحد الشوفات كيالعافية : خدمتي ماشي خدمت الواليد احكيم الى مراد سيفطك للحبس انا غانسيفطك للقبر سير قضي مابقاليك فعمرك فمقام النبي ودخل فسوق جواك
ماجا فين ادوي رجع شاف فدريس : بنتك اسي دريس غانتزوج بيها قدام كولشي على سنة الله ورسوله قابل ؟
دريس : اجي ديها اليوم قبل غدا ولا موتها حسن من حياتها ولكن حسابك غاتاخدو مصرف، كاتبقا بنتي ومن لحمي ودمي
قرب ليه مزيـــان : نهار ربعيام بيدما نشف تراب رايس نكونو عندكم وبلا مانوصيك الخبار فالريف كطير كيف الريش، ولاولات الهضرة طعام فوق الطبلة دمك لي غايتسال ( طبطب على سدرو )
دريس : ( بقا كيبخ كيف التور ) غادي تخلص بالغالي، ودمي ندفل عليه قبل مايتشرك معاكوم .
مشا خرج وحكيم موراه نهض فربيعة : زيدي وجري داك الصلكوطة .
ربيعة حيدات الكاب ولواتو عليها من الفوق جراتها معاها ومشاو غادين مخلينهوم فالشومبر مراد كيبخ فالدم وطه غمض عينيه راسو غايتشق عليه والمهدي ساكت أما رضى كان متوقع هادشي كانت لحضة صمت حيت عارفين أن هادي البدية ديال واحد المعماعة خطيرة جايا فطريق، وحقهم قالو باسم الله .
YOU ARE READING
الرحمة 2 MERHAMET
Romanceبين الحياة والموت .. الحق والباطل .. الابيض والاسود .. الاستقامة والاعوجاج .. الخير والشر .. القسوة واللين .. خيط رفيع اسمه " طـَـه الوريـــاغلي " قصة الجيل الثاني منفصلة عن الجيل الاول تحذير قصة جريئة.
