على قمة الحكيم ( الجزء الثاني )

البارت الرابع عشر

فاروق : ديله صعدي

روح : ما اصعد .. مشيت سريع وابتعدت عنه بمسافه الشارع شبه فارغ وهدوء ما حس غير دك هورن جفلني

فاروق : يله عاااااد اشتغل عدج خالج خابرني وكال وصلها

روح : احلف

فاروق : وروح سندس

روح : مشيت اسرع وصلت قريب الترفك وكف بي منتظر الاشاره صعد الجامه واجاهلني بقيت واكفه والرايح والجاي يباوعلي مشيت باتجاهه واضطريت افتح باب السياره الورا وصعد

فاروق : من البدايه ليش تبيعين مثاليات

روح : استغفرلله

فاروق : تريدين سبحه

روح : ليش عندك سبحه انت .. فتح الجكمجه طلع سبحه وقران وتربه ابتسمت

فاروق : ذني انطونياهن توزيعه

روح : خفيت الابتسامه وانداريت ع الجامه .. مو اكول انت تشتريهن قابل

فاروق : ليش شبيه

روح : كلشي مابيك نزلني قريب الكليه لتدخل للكراج

فاروق : يطبج طوب

روح : جان ازدحام شارع الكليه ردت اضوجه طلعت الفين من جنطتي وخليتهم يمه

فاروق : هاي شنو

روح : الكروه .. اندار عليه باوعلي بنظره وكع كلبي شال الفلوس وخلاهن فوك ايدي

فاروق : اشتري بيهن شي للاوخن دوخ هديه مني

روح : شنو هذا .. اندار مبتسم وحرك السياره وصلت للبوابه

فاروق : نزلي

روح : نزلت من السياره .. بقى واكف لحد ما دخلت للجامعه .. دخلت للامتحان جان زين وتقريباً مجاوبه .. طلعت اجه بوجهي

مالك : ليش مجاهلتني من يوم الكيكه

روح : لا مو قصدي بس عندي امتحانات

مالك : عادي احجي وياج

روح : كول

مالك : تعاي نتمشى برا

روح : لا ما اطلع برا اذا حاب احجي هنا

مالك : نمشي كبال الكليه بالشارع ترا كدام الناس

روح : ليش

مالك : مو اريد اشتري اكل للجلب مالتي

روح : عندك جلب

مالك : اي اشوفج صورته

روح : طلع جهازه وشوفني الصوره حلو ابيض وعيونه زرك .. اني كلش احب الحيوانات الاليفه بس ماما متقبل اشتري

مالك : بالعكس حلوات اذا حابه اني احجي ويا خاله وادزلج صورته من تشوف مان هيج حلو ونظيف راح تخليج اجيبي