ရေချိုးခန်းကနေတဘက်ကိုပုခုံးပေါ်တင်ကာထွက်လာရင်း ပြောလာသူကြောင့် မျက်မှောင်ကြုတ်ကာမော့ကြည့်မိသည်။
"ရေနွေးကြိုတတ်ပါတယ် အဲ့ဒီတုန်းကအပူလောင်မှာစိုးလို့ တစ်စုံတစ်ဆွန်းသာ အရမ်းစိတ်ပူနေတာ အဲ့တည်းကဆက်မလုပ်ခိုင်းတော့ကျန်တာလုပ်တတ်မှန်း ဘယ်သိပါတော့မလဲ"
"အေးကွာ ဒီလိုမှန်းသိခိုင်းစားပါတယ်"
"ဟီးဆွန်းဟျောင်း!!"
"ဟားဟား စတာပါကွာ စတာ"
ပြောရင်းဆိုရင်းခေါင်းလျှော်လာပုံရသည့်ရွှဲစိုနေသည့် ဆံပင်လေးများအားရေအသာခါချလိုက်ချိန် ခေါင်းလျှော်ရည်အနံ့မွှေးမွှေးကချက်နေသည့်ဟင်းနံ့တွေကို တိုက်ထုတ်ကာအလုအယက်ပင် တိုးဝင်လာခဲ့ကြသည်။
"အာ တကယ်ပါပဲ"
"ဆောင်းဟွန်း ဘာဖြစ်နေတာလဲ"
မျက်မှောင်ကြုတ်ကာခါးထောက်လိုက် ဟင်းအိုးမွှေလိုက် လူကိုစိုက်ကြည့်လိုက်နှင့်ဂဏာမငြိမ်ဖြစ်နေသူအားစိတ်ရှုပ်စွာ မေးလိုက်မိသည်။ သူကဘာမှပြန်မဖြေပဲ ရုတ်တရက်အနားကိုရောက်ချလာခဲ့သည်။
"အမေ့!!"
"ဘာလို့အဲ့ဒီလောက်မြန်မြန်ကြီး အနားကိုရောက်လာတာလဲ"
"အဆင်မပြေလိုက်တာဗျာ.."
"ဘာကိုလဲ ဟင်းချက်ရလို့အဆင်မပြေတာလား ဒါဆိုငါပဲချက်လိုက်..!"
"ဒီအနံ့ကြောင့် စိတ်အာရုံတွေစုစည်းလို့ကိုမရဘူး"
ကိုယ့်ထက်ခေါင်းတစ်လုံးပိုသည့်အရပ်နှင့်သူက ငုံ့ကာဆံသားတွေကို အနံ့ခံတော့ တစ်ကိုယ်လုံးတုန်တက်သွားသလိုပင် ရင်ထဲလှိုက်ဖိုကာခံစားမိသွားခဲ့ရသည်။
"မင်း..! မင်းဒီလိုတွေမလုပ်စမ်းနဲ့!"
"ဘာလို့လဲဟျောင်း"
"ညဘက်ကြီးဘာလို့ခေါင်းလျှော်ရတာလဲ အအေးမိမှာလို့တားနေတာကို လူကိုခေါင်းပါလျှော်ပြပြီး လာဆွနေတယ်.."
"ဟော ငါဆွတာမဟုတ်ဘူး ပင်ပန်းရင်ခေါင်းပါတစ်ခါတည်းလျှော်မှနေလို့ကောင်းလို့လေ"
YOU ARE READING
Gazing the Clouds
Fanfictionချစ်ခြင်းတရားအစပြုရာနေရာသည်တိမ်စိုင်နှင့်ဆင်တူသော ဂျယ်ယွန်းသာဖြစ်ပါကြောင်း။ - ပတ်ဂျေး JayJake Fanfiction (Unicode,Zawgyi)