بتال __ صفنت بوجه داهر معرفت شكوله
بعد الي سمعته من عنده انهز كلشي بداخلي و احس
روحي كامت تطلع اشون و ليش و ليش بابا ما كاللنا
و اباوع عل داهر عيونه متروسه دموع و راجعله نفس الاحساس. و أريام معقوله كل هشي صاير وياها . و اني اتعاملت وياها بهل قسوه.
_ بتال كولي مراح تعوفها صح
_ يصير خوي اخويه يصير خير .
بعد ما وصلنه للبيت ما حبيت ابين لاحد .
طبيت جوه شفت الكل كاعد و اريام موجوده و اعرف من نضراتها انو منتظر جواب منعندي
_ اهلين بتال مشتاكلك حبيب كلبي .
_ هله عمه و اني مشتاق اكثر شخبارج . شو انتي و تولين ما تعوفُنه . شو كل ما اطب للبيت اشوفكم جايين عبالج الطريق بين تركيا و عراق مثل طريق اربيل و دهوك.
_ لا اشدعوه وليدي غير احنا جايين علمودك . حتى نفرح بيك .
انتي جايه تفرحين لو قلبج مشتعل ليش ما اتزوجت بنتج بس يلا نمشيها . ضليت ساكت و ما حجيت . اجتي تولين و تباوعلي جنها زوجتي و متزوج عليه.
___ ابن عمي الغالي شو ما اجيت هل مره علينه للمطار .
__ اي شايفتيني ابو دكسي منتظر يم باب المطار حتى تجين .
المهم كعدنا يمهم و نحجي و كل شويه اباوع عل اريام و حاير شكوللها.
تولين:- بتال اشكد فرق بينك و بين اريام بل عُمر.
__ خاب دسكتي يعني ما لكيتي غير هل سؤال البايغ تسئليني عليه .
تاج _ اشكد مجان العمر المهم انو همه متزوجين و واحد لايك للثاني مشالله عليهم.
_ مرت اخويه كلامها كاه حِكم مشالله .
تاج تباوعلي بنظرات جنها تريد اطلع روحي عرفت الموضوع يخص اريام . باوعت عليه و سكتت.
بعد ما كل راحو لغرفهم تاج جتي عليه . بنضرات كلها غصب عبالك مسوي شي وياها .
_ خير شكو صاير شي .
_ لا مصاير شي والله بس بابا عماد رايدك بشغله .
_ يا ربي سترك . و ما عرفتي شيريد.
_ و بكل غضب . لا اشمدريني غير هوه طالبك انت مو اني .
_ اعصابج ويايا شمسويلج .
_ لا ما مسويلي شي بس راح تسوي .
_ شكو اش راح اسوي .
انطتني ظهرها و راحت . رحت لغرفت ابويه و حاير شمسوي ليش طالبني .
دكيت الباب و صوته يجي وره الباب اتفضل تعال.
فتحت الباب شفته كاعد كل مكتبه مالته و بيده كتاب دا يقراها . بابا طالبني شكو خير صاير شي .
_ اكعد اريد احجي وياك بموضوع.
_ اي بابا اسمعك كول .
ست الكتاب و شلع مناظره و صار يباوعلي بطريقه غريبه .
_ باع بتال راح احجيلك شغله و اريدك تسمعني و ما ريدك تعَندني هل مره .
YOU ARE READING
بتال
Mystery / Thrillerالحياة قاسية و جميع من فيها شقاء لكن علينه ان نحقنهم بلأمل و لا نزيد على احد
