_ #ازاى التزم بالصلاة ♥️
1⃣ أول حاجه وهي " النية "💚
- أنوي حالاً إنك تنتظم علي الصلاة ،
وده خده عهد بينك وبين ربنا إنك مش هتفوت أي صلاة
2⃣ تاني حاجه " الدعاء" واستغفر كتيير
- إدعي ربنا كتير إنه يثبتك علي الصلاة ويحببك فيها
اللهم إجعل الصلاة قرة أعيننا ،
و أعنا على أدائها على الوجه الذي يرضيك عنا ،
و أرزقنا نعمة الخشوع التام فيها
و إجعلها سكينة و طمأنينة لقلوبنا💚
- كده إنت أستعنت بالله ..
3⃣ تالت حاجه بقا وهي " المكان " اللي بتصلي فيه..🤭
- إفرش المصليه في مكان في البيت محدش بيعدي عليه ويبقي ده مكان ثابت للمصليه متشلهاش أبداً علشان متكسلش ..💚
وأما تنتظم غير مكانها عشان كل مكان هتصلى فيه هيشهد لك يوم القيامة
4⃣ رابع حاجه وهي " الوضوء "
- حاول طول الوقت تبقي متوضي ده هيساعدك متكسلش ،
5⃣ خامس حاجه وهي " السرعة"
اول ما تسمعي الاذان وكلمة الله اكبر سيبي اي حاجه في ايدك مهما كانت هيا ايه
وقولي لنفسك
الله اكبر من اي شيئ
ربنا اكبر من اي حاجه انتِ كنتي بتعمليها في الوقت ده
وعلطول قومي و اتوضى وصلي الفرض في وقته
لان لو أخرتي الفرض عن وقته بصراحه هتكسلي تصليه
والشيطان هيشتغل بقا 😂
" حي علي الصلاة ، حي علي الفلاح "
وكمان الصحبة الصالحة ال تعينك على الطاعة💚
لازم تعرفي « مَن هو الله » .. .. اقرأي عن ربنا و أسمائه و صفاته و قدرته و كل حاجة .. .. لأنك لما تعرفيه أكتر .. هتحبيه أكتر .. فهتحبي الصلاة
و تخلَّصي الظهر و أنتِ مشتاقة لصلاة العصر
و لما تحبيه هيحبك فهيقربك منه أكتر و يخليكِ تذوقي لذة الخشوع ..💚
افهمي معنى الصلاة
معانيها .. حكمتها .. مش على أنها شوية حركات و كلام وخلاص
و لما تحس أنه فرضها عليك عشان بيحبك ساعتها هتصلي بقلب تاني خالص قلب خاشع .💚
بردو اقرأي عن فضل الصلاة و ثوابها ..💚
اسمعي قرآن كتير وكل ما تسمعي آيات وتفهميها وتطبقيها في حياتك كل ما إيمانك هيزيد ..
فهتحافظي ع الصلاة و خشوعك يزيد .. القرآن بيغسل القلب من الذنوب💚🥺
وأنصحك تشوفي سلسلة « كيف تتعامل مع الله ؟ » لمشاري الخراز على اليوتيوب
هتخليك تحب ربنا و تعرفه أكتر ..
و كمان سلسلة « كيف تتلذذ بصلاتك ؟ » هو أسلوبه روعة و هادي جدا .. 💚
دعوة حلوة ربنا ينجحني ويجبر بخاطري في الثانويه العامه
YOU ARE READING
صحبة صالحة
General Fiction*_السلام عليكن ورحمة الله وبركاته_*💙🕊️ *_{ إِنْ أُرِيدُ إِلَّا الْإِصْلَاحَ مَا اسْتَطَعْتُ وَمَا تَوْفِيقِي إِلَّا بِاللهِ عَلَيْهِ تَوَكَّلْتُ وَإِلَيْهِ أُنِيبُ}_*🌏💙💙 *_: الأنثى بحيائها، فإن سقط عنها رداء الحياء؛سقطت💙🥀_* *_"انا هدفي من ال...
